Nuk mbahet pushteti duke u justifikuar me propagandën AntiBerishë. Qytetarët duan rrugë të asfaltuara, drita, punësim, rend publik dhe siguri për të ardhmen faqe 3

Nga Errok Çupi Njerëz politikane punojnë gjatë gjithë ditës me “lopatat” në tyre, dhe, më në fund, e di çfarë bëjnë?... Më në fund kanë mbushur “thesin” që rëndon kurrizin e individit të vetëm... Në esencën e vet, edhe politika e dobishme, kështu funksionon: Duke punuar rëndon e lehtëson individin. Kontrata që ka bërë individi me politikanin, është e tillë që jep e merr. Ndërsa kontrata e heshtur që ka bërë politika me vetën dhe me individin është që kjo të jetë sa më e lehtë, me qëllim që t’i lejojë individit sa më shumë energji për të ndjekur politikën. Ndryshimi i raporteve normale në politikën shqiptare po e rëndon individin. Vetë politika është shumë e rëndë: Politikanët, njësoj si kukudhët e përrallave që u qëndronin fëmijëve në dritare natën, iu qëndrojnë njerëzve në ditarën e kuzhinës që tani quhet ekran televizioni. Kudo ku hapen ekranet, dalin të njëjtat fytyra. Prindi depersonalizohet para fëmijëve, fqinjët grindën nga njëri kat në tjetrin dhe pjesa normale e jetës rrëshqet në “lumë”. As gjumi i natës nuk mund të lehtësojë mendjet e nxehura. Sa dëshirë makabre që kanë politikanët për t’u rënduar në gafë njerëzve?! Pozita dhe opozita përleshen mbi kokën e qytetarit. Qytetari nuk ka të siguruara mjetet e nevojshme të jetesës, ndërsa është i detyruar të tundë kokën sa majtas djathtas duke ndjekur “topin”. Këta përmendin miliona dollarë të përvetësuar; ata përmendin vilat luksoze; këta përmendin miliona tonë naftë, ata përmendin me tonelata floriri që u vodh natën në mal...Ku janë të gjitha këto; asgjë nuk pikën për individin e vetëm. Politika vetëm i rëndon shpirtin dhe i nxin arsyen. Sa e papërgjegjshme që është politika para së vërtetës dhe para qytetarëve?! Partitë politike janë kthyer në kuaj vrasës, në vend që të shërbenin kalorësin shtet-qytetar. Gjatë gjithë ditës, qytetarit i ngatërrohen nëpër këmbë partitë. Partitë nuk kanë punë, prandaj hyjnë mes shtetit e individit duke i neutralizuar që të dy. Partitë janë krijuar për të qenë prezente në ndërtimin e të qeverisë; pas kësaj dalin në prapaskenë. Ndërsa këtu, Partia si saçi mbi kokë; terrorizon shtetin, merr si shoqëruese qeverinë dhe bredh Botën me mandat shtetëror, partinë nxehin gjakrat, kooptojnë artistët e fëmijët, shkelin ligjet, dublojnë qeverinë, transferojnë personalitete, strehojnë kriminelë. Të gjitha rëndojnë jetën e individit. Ndërsa politika zyrtare ka hyrë në garë me ngutjen. Ajo shpejtohet të prezantojë të huajt, delegacionet, mesazhet, premtimet për ndihmë, suportin për moralin, etj. Qytetari ka shumë kohë që i mban sytë nga qielli. Në fakt është më mirë që të ndodhë kjo lodhje, pasi lodhja duke parë realitetin do të ishte më e rëndë. Të gjithë “punojnë” duke rënduar individin. Duhet të ndodhë ndryshe.

Faqe 24 Elvjer Raça, menaxheri i Bogdanit dje në Tiranë. foto P. ILO

Sot në ora 12.00 Berisha ka njoftuar për një miting të madh në sheshin “Skënderbej”, ku do të marrin pjesë, sipas tij, mbi 40 mijë demonstrues. Nga ana e tij ministri i Rendit Publik, Spartak Poçi, ka bërë thirrje që mitingu të mos zhvillohet, pasi do të përdorë forcën e policisë që mitingu të mos bëhet. Gjithashtu mësohet se dhjetra lajmëtarë të PD-së kanë mobilizuar autobuzë për të ardhur nga rrethet në Tiranë, duke e mbushur plot sheshin “Skënderbej”, ndonëse, siç mendojnë analistët politikë dhe të ambasadave të huaja, sot do të provohet se kush do të jetë më e vendosur: PD pa pushtet apo pushteti socialist. Nëse policia arrin të mos e lejojë mitingun, atëherë Berisha merr një goditje të fortë morale dhe psikologjike; ndërsa, nëse lideri i PD-së arrin të hyjë në shesh, dhe të mbledhë njerëz, atëherë pushteti socialist merr tronditullin, duke ia lënë e qeverisjes PD-së. Pra, sot janë përballë: Berisha dhe PS-ja. Kush fiton sot mbi tjetrin merr të drejtën morale, dhe pas ligjore, për të treguar si vendoset Shteti ligjor.