- Bota na ndihmon, ne qeverisim - dëshirë dhe realitet - -Bota na ndihmon, ne qeverisim- dëshirë dhe realitet - Ajo që është bërë si bashkëpunim në fushën e arsimit me qeverinë turke dhe italiane është e një rëndësie të veçantë për të ardhmen e Shqipërisë. Dje në mjediset e Ministrisë së Arsimit u bë ceremonia e nënshkrimit të një marrëveshjeje që qeveria turke i jep Qeverisë shqiptare për përgatitjen e kuadrove në fushën e arsimit. Sipas kësaj marrëveshjeje 12 nxënës me rezultate të mira do të dërgohen për të vazhduar studimet e mesme në Turqi, 47 të tjerë për shkollën e lartë pedagogjike, ndërsa 20 studentë që kanë mbaruar pedagogjiken do të specializohen për gjuhën angleze e do të kthehen për të dhënë mësim në shkollat e mesme. Për këtë qëllim qeveria turke akordon fillimisht 1 milion dollarë dhe merr përsipër një fond të mëtejshëm prej 4 milion dollarësh për shpenzimet e jetesës së studentëve. Kjo marrëveshje i jep qeverisë shqiptare mundësi të dërgojë edhe 17 specialistë të lëndëve të ndryshme në Turqi për t'u kualifikuar. Po kështu nënshkruhet edhe marrëveshja me qeverinë italiane për dërgimin e 110 mësuesve për kualifikim në Itali dhe 50 mësuesve të tjerë të gjuhës italiane. Këto marrëveshje nënshkruan ministri i arsimit z. Selim Minga dhe ambasadorët respektivë. Në një audiencë të posaçme Presidenti i Republikës z. Sali Berisha ka pritur ambasadorin e Japonisë z. [?], i cili i dorëzoi atij një mesazh nga kryeministri japonez Kiichi Miyazawa, në të cilin shprehet dëshira e qeverisë së tij për të ndihmuar më tej Shqipërinë, sidomos në fushën e bujqësisë. Nga ana e tij Presidenti Berisha ka shprehur falënderimet dhe vlerësimin për ndihmën e dhënë nga Japonia dhe ka theksuar domosdoshmërinë e bashkëpunimit të mëtejshëm. Në mjediset e Ministrisë së Financave u nënshkrua gjithashtu një marrëveshje me SHBA për grurin. Marrëveshja u nënshkrua nga ministri i Financave z. Genc Ruli dhe përfaqësuesi i USAID-it në Tiranë. Sipas kësaj marrëveshjeje SHBA do të kreditojë qeverinë shqiptare për blerjen e 6500 ton miell gruri me afat shlyerje prej pesë vjetësh. Në konferencën e posaçme për shtyp të zhvilluar me këtë rast z. Ruli e vlerësoi atë si një ndihmë të rëndësishme për përballimin e vështirësive të momentit. Këto akte të përsëritura të ndihmës dhe të mbështetjes janë dëshmi e dëshirës së botës për të na ndihmuar dhe e bindjes se Shqipëria po ecën në rrugën e reformave dhe të demokracisë.

Instituti Ballkanik i Nju Jorkut, në analizën e tij ekonomike (2) të publikuar këto ditë, vlerëson se reformat e qeverisë shqiptare po ecin përpara. Në këtë studim theksohet se qeveria, pavarësisht vështirësive të mëdha të trashëguara nga regjimi i kaluar, ka bërë hapa të rëndësishëm në çlirimin e çmimeve, në privatizimin e ndërmarrjeve të vogla dhe në krijimin e kushteve për ekonominë e tregut. Analiza vëren se inflacioni mbetet një problem serioz, por se janë hedhur bazat për stabilizimin financiar. Sipas studimit, programi i reformave është mbështetur nga FMN dhe Banka Botërore, ndërsa bashkëpunimi me vendet perëndimore ka filluar të japë frytet e para. Përmirësime janë vënë re edhe në furnizimin me mallra dhe në ringjalljen e aktivitetit tregtar. Në komentin e vet Instituti shprehet se perspektiva e ekonomisë shqiptare do të varet nga vazhdimësia e reformave, nga konsolidimi i institucioneve dhe nga ruajtja e stabilitetit politik. Ai nënvizon se vendi ka nevojë për ndihmë të jashtme, por po aq edhe për vendosmëri të brendshme për të çuar përpara transformimin ekonomik. Në përfundim analiza e cilëson politikën e qeverisë si realiste dhe të orientuar drejt integrimit të Shqipërisë në ekonominë europiane.

Dersa qysh në PD Vlorë qarkojnë zëra të një kandidati të pavarur, disa forca politike i fryjnë kësaj klime si alternativë e opozitës së ardhshme. Por në fakt është fjala për një provokim të vjetër me petk të ri. Në Vlorë, ku 26 shkurti i vitit 1992 mbeti si një dëshmi e hidhur e përpjekjeve për të sabotuar procesin demokratik, tani ringjallen prirje të ngjashme. Vlorën e ka goditur jo vetëm kriza ekonomike, por edhe përpjekja për ta përdorur politikisht varfërinë. E megjithatë, qyteti ka ditur të japë sinjale të qarta në favor të ndryshimit. Këto sinjale do të konfirmohen sërish nëse qytetarët nuk bien pre e thirrjeve destabilizuese. PD mbetet forca që ka marrë përgjegjësinë e qeverisjes dhe nuk mund të shmanget nga kjo përgjegjësi me shpifje e trysni. Demokracia nuk ndërtohet me presione, por me votë të lirë dhe me respekt për ligjin. (Vijon në faqen 3)

Nga VËZHGIME DHE SHIFRA TË RRETHIT TË TEPELENËS, 2 - FUNDI SËRISHT Në pamje të parë zgjedhjet e 22 marsit në rrethin e Tepelenës u paraqitën si të qeta, por nën sipërfaqe vlonte një përballje e fortë politike. Qytetarët e këtij rrethi, të lodhur nga premtimet boshe dhe nga mungesa e perspektivës, e panë tek PD-ja forcën që mund të sillte ndryshimin e shumëpritur. Shifrat e para të mbledhura nga qendrat e votimit tregonin një epërsi të dukshme të kandidatëve demokratë. Votuesit në qytet dhe në fshat, pavarësisht trysnive e përpjekjeve për manipulim, shprehën qartë vullnetin e tyre. Nga ana tjetër, kundërshtarët u përpoqën të relativizonin rezultatin dhe të nxisnin konfuzion. Por fryma e përgjithshme ishte e tillë që çdo përpjekje për ta errësuar fitoren e 22 marsit mbetej e kotë. Ky besim nuk mbështetet vetëm në entuziazëm, por edhe në tregues konkretë, në organizimin më të mirë të strukturave të PD-së dhe në mbështetjen e zgjeruar qytetare. (Vijon në faqen 4)

Në Tiranë mbahet një analizë serioze për ecurinë e marrëdhënieve të Shqipërisë me partnerët perëndimorë. Sipas burimeve zyrtare, vendi ynë po gjen mirëkuptim dhe përkrahje nga qeveri e institucione të ndryshme, të cilat shohin në Shqipëri një shans real për demokratizim. Problemet ekonomike dhe sociale mbeten të mprehta, por mbështetja e jashtme pritet të ndikojë në stabilizimin gradual të situatës. Ndihmat në fushën e ushqimeve, energjisë, arsimit dhe financave po shihen si hallka kyçe të këtij procesi. Qeveria shqiptare ka theksuar se reforma e brendshme duhet të ecë paralelisht me ndihmën nga jashtë. Vetëm kështu mund të krijohen kushtet për kapërcimin e tranzicionit dhe për ringritjen e ekonomisë. Në qarqet diplomatike vlerësohet se Shqipëria po fiton besimin e partnerëve ndërkombëtarë falë orientimit të saj të qartë demokratik. (Vijon në faqen 4)

- Zgjedhjet, siç e dimë të gjithë, mos u mashtroni nga fjalët e premtimet e rrezikshme. - Ta tregojmë me votën tonë si 22 mars, se ne përkrahim dhe përkrahim ndryshimet në Shqipëri dhe jo revan-shin komunist të PKSH. - Ta tregojmë me vendosmërinë e votës sonë sa më 22 mars, se ne përkrahim dhe duam demokracinë dhe jo dhunën e marrëzinë e komunizmit. - Ta tregojmë me votën tonë se jemi kundër diktaturës dhe shtypjes së njerëzve, mos u gënjeni e mos u mashtroni nga gënjeshtrat. - Votoni kandidatët e Partisë Demokratike!