Gjëndje populli Shqiptar GEZUAR VITIN E RI! - Iniciative e Kryeministrit, zoti Meksi, dhënë gazetarit të «RD» Artin Kasanqi - Popullit të Shqipërisë, me rastin e ndërrimit të viteve, po i adresoj urimet më të përzemërta për një vit të mbarë e të lumtur për secilin, për familjen dhe për Shqipërinë. Sipas interesimeve të shumta nga ana e opinionit publik, qeveria e ka gjykuar të nevojshme që përmes «RD» t’i drejtohet popullit për të sqaruar problemet e mëdha që i janë krijuar ekonomisë sonë. Në fakt gjendja që na është lënë nga sistemi komunist, mbase është më e rëndë se ç’mund të përfytyrohet. Përveç shkatërrimit gati total të ekonomisë dhe të mjerimit të përgjithshëm, trashëguam kaos të plotë në administratë, mungesë të rezervave dhe një infrastrukturë tejet të dëmtuar. Përballë kësaj gjendjeje qeveria ka ndërmarrë masa të menjëhershme për furnizimin e tregut, për mbajtjen në këmbë të shërbimeve kryesore dhe për rivendosjen e një rendi minimal ekonomik. Këto masa kanë qenë të dhimbshme, por të domosdoshme. Vetëm duke pranuar të vërtetën dhe duke punuar me disiplinë mund të dalim nga kjo gjendje. Një nga shqetësimet kryesore të qytetarëve është rritja e çmimeve dhe vështirësia e sigurimit të artikujve të jetesës. Qeveria po ndjek me vëmendje këtë problem dhe po përpiqet të gjejë rrugë reale për ta përballuar. Nuk ka zgjidhje të lehta. Por ka një rrugë: të mos mashtrojmë veten, të punojmë, të kursejmë, të ndërtojmë ekonomi tregu dhe të krijojmë institucione që funksionojnë. Po aq i rëndësishëm është edhe stabiliteti politik. Nëse forcat politike dhe shoqëria civile arrijnë të bashkëpunojnë për çështjet madhore, Shqipëria do të fitojë më shpejt besimin e partnerëve ndërkombëtarë dhe do të përfitojë ndihmë më të madhe. Në këtë kuadër qeveria është e vendosur të ecë përpara me reformat demokratike. Ne nuk kemi ardhur për të premtuar mrekulli. Kemi ardhur për të punuar dhe për të kërkuar mirëkuptimin e qytetarëve në një periudhë sakrificash. Besoj fort se populli shqiptar do ta kalojë këtë provë të vështirë, ashtu siç ka përballuar sprova të tjera në historinë e vet. Le të hyjmë në vitin e ri me besim, me guxim dhe me vullnet. Shqipëria ka nevojë për secilin prej nesh. Vetëm kështu do të ndërtojmë një të ardhme më të mirë për fëmijët tanë dhe për vendin tonë. Artin Kasanqi

Konference shtypi e Presidentit Berisha Dje në një sallë të Presidencës, Presidenti Berisha dha një konferencë shtypi, lidhur me zhvillimet kryesore politike dhe ekonomike në vend. Duke folur për gjendjen ekonomike, ai theksoi se viti që po mbyllet ka qenë jashtëzakonisht i vështirë, por edhe një vit i kthesës historike drejt demokracisë dhe ekonomisë së tregut. Presidenti vuri në dukje se qytetarët shqiptarë janë të vendosur të mos lejojnë rikthimin e së kaluarës. Ai theksoi se shqiptarët nuk duan të kthehen mbrapa, por duan të ecin përpara, pavarësisht vështirësive dhe sakrificave të mëdha. Sipas tij, forcat që synojnë destabilizimin e vendit nuk do të kenë sukses, sepse shoqëria shqiptare ka bërë tashmë zgjedhjen e saj historike. Duke iu referuar marrëdhënieve me jashtë, Presidenti tha se Shqipëria po fiton çdo ditë e më shumë besimin e vendeve mike dhe të institucioneve ndërkombëtare. Ai nënvizoi rëndësinë e ndihmës së huaj, por shtoi se zgjidhja afatgjatë varet mbi të gjitha nga puna dhe përgjegjësia e vetë shqiptarëve. Në pjesën e pyetjeve, Presidenti u ndal edhe te çështjet e rendit publik, të reformave institucionale dhe të procesit të privatizimit. Ai kërkoi bashkëpunim, durim dhe përkushtim qytetar për të përballuar muajt e vështirë që vijnë. (ASHI)

Socialistët pretendojnë se mbi të 40 gazetarë të «Rilindjes», komania e gazetës e tyre, u hoqën nga puna për «motive politike». I akuzojnë për këtë qeverinë dhe «Rilindjen Demokratike», ndërkohë që në fakt bëhet fjalë për një vendim të marrë nga redaksia e gazetës së tyre dhe nga organet drejtuese të saj. Në reagimet e tyre, përfaqësues socialistë paraqesin çështjen si një shkelje të lirisë së shtypit, por argumentet dhe faktet e paraqitura nuk e mbështesin këtë pretendim. Përkundrazi, duket se kemi të bëjmë me një përpjekje për ta përdorur një konflikt të brendshëm si mjet propagande kundër reformave demokratike. Sipas vëzhguesve, sulmet verbale ndaj institucioneve të reja demokratike janë pjesë e një strategjie më të gjerë për të krijuar konfuzion dhe pakënaqësi në opinionin publik. Kjo, sipas tyre, përbën një sulm të drejtpërdrejtë ndaj frymës së pluralizmit dhe procesit të konsolidimit demokratik. Nga ana tjetër, zërat që kërkojnë përgjegjësi reale për gjendjen e trashëguar në media dhe në administratë, e shohin të domosdoshme ndarjen e qartë mes problemeve profesionale dhe instrumentalizimit politik. (Vijon në faqen 4)

Gjenda e vështirë në rajon kërkon një ndëryrje më aktive nga komuniteti Evropian Kardinali Vincenco Andriani do t’i paraqesë atit të shenjtë mesazhin e Presidentit Berisha (PD)

me aktive nga komuniteti Evropian Presidenti Berisha Kardinali Vincenco Andriani (ASHI) TIRANE