- Mer pjesë dhe Presidenti i Republikës Sali BERISHA. - Tiranë. Të hënën paradite në Pallatin e Kongreseve në Tiranë, grupi i përbashkët shqiptar me organizatën amerikane "Qendra për Demokraci dhe Parlamentin" organizuan seminarin për deputetët e Parlamentit shqiptar. Në çelje të punimeve të seminarit, kryetari i grupit të përbashkët zotëria Maksim Cikuli tha se veprimtaria e sotme zhvillohej në kuadër të përpjekjeve që po bëhen për të ngritur nivelin profesional e kulturor të punës së Parlamentit, si një nga kërkesat e ngutshme për krijimin e një tradite të re parlamentare. Kryetari i grupit parlamentar të PD-së, zotëria Tritan Shehu, përshëndeti këtë seminar në emër të grupit parlamentar të shumicës. Ai tha se me këtë veprimtari ne vazhdojmë të ecim më përpara me përvojën dhe parlamentin tonë pluralist, që gjer më sot ka bërë hapa seriozë përpara. Më tej, zoti Tritan Shehu tha se është e nevojshme të përsosen rregullat e procedurat tona, të cilat nuk mund të jenë të gatëshme si ato të vendeve me një traditë të gjatë parlamentare. Presidenti i Republikës, Sali Berisha, përshëndeti seminarin dhe u uroi pjesëmarrësve punë të mbarë. Presidenti Berisha tha se ky seminar përbën një eveniment të rëndësishëm në jetën tonë parlamentare dhe jep një ndihmesë të vyer për pasurimin e eksperiencës dhe kualifikimin e deputetëve shqiptarë. Ai tha se ajo që ka rëndësi është reflektimi në çdo seancë në veprimtarinë e çdo dite, lidhur me procedurat e parlamentit. "Ne bëjmë përpjekje të vendosim procedura parlamentare të përshtatshme për kohën tonë, për mendësinë tonë, për kulturën tonë në përputhje të plotë me standardet ndërkombëtare", tha kreu i shtetit. Presidenti amerikan i organizatës "Qendra për Demokraci dhe Parlamentin", zoti Donald Robinson e quajti seminarin një ngjarje të rëndësishme për përsosjen e punës së Parlamentit shqiptar dhe kualifikimin e deputetëve. Ai tha se seminarë të tilla bëhen tani thuajse në të gjitha vendet e Europës Lindore. Më pas zoti Donald Robinson tha se vendi ynë ka bërë përparime të dukshme drejt vendosjes së demokracisë. Duke folur mbi procedurat parlamentare amerikane, ai tha se Presidenti është kreu i ekzekutivit dhe se mungesa e kontrollit të legjislativit ndaj ekzekutivit mund të çojë në abuzimin e pushtetit. Po ashtu, ai tha se një gjyqësor i fortë është garant i mbrojtjes së kushtetutës. Presidenti i Parlamentit shqiptar, zoti Pjetër Arbnori tha se seminarët dhe trajnimet e tilla vlejnë shumë. Duke bërë një retrospektivë të kulturës parlamentare në vendin tonë, zotëria Arbnori tha se në Shqipëri nuk pati një parlament autentik, parlamentarizmi u zhvillua në mënyrë të cunguar dhe për gati pesëdhjetë vjet në Shqipëri nuk pati parlament. Ai shtoi se pas zgjedhjeve pluraliste në vitin 1991 ne krijuam një parlament njëpartiak, ndërsa tani përpiqemi të krijojmë një parlament pluralist. Duke trajtuar problemet e funksionimit të këtij parlamenti, zoti Arbnori shprehu mendimin se mënyra e funksionimit të parlamentit tonë duhet të përsoset. Veç të tjerash, zoti Arbnori tha se politikës shqiptare i nevojitet fare pak sentimentalizëm. ATSH

Zoti Eduard Selami priti zotin Vladimir Nikolloviç Podgoricën Të hënën në mbrëmje zoti Eduard Selami, kryetar i Partisë Demokratike të Shqipërisë priti në selinë e PD-së zotin Vladimir Nikolloviç Podgoricën, deputet i Parlamentit Europian dhe konsulent i grupit parlamentar të kristian-demokratëve në këtë parlament. Zoti Selami e njohu mysafirin me ecurinë e proceseve demokratike në Shqipëri, si dhe me zhvillimet politike të vendit, duke u ndalur veçanërisht në sukseset e së djathtës si forcë qeverisëse. Gjatë bisedës u vu theksi veçanërisht në rolin që kanë luajtur dhe luajnë forcat e djathta për një opozitë konstruktive, për zhvillimin demokratik të vendit, si dhe rëndësinë e krijimit të një klime mirëkuptimi e bashkëpunimi ndërmjet forcave politike shqiptare e posaçërisht për forcimin e marrdhënieve me vendet fqinje e më gjërë. Në këtë drejtim bashkëbiseduesit vunë në dukje domosdoshmërinë e forcimit dhe të vendosjes së kontakteve më të gjera ndërmjet forcave të qendrës së djathtë, qofshin në pushtet ose në opozitë. U vu theksi në domosdoshmërinë e orientimit të Europës drejt Ballkanit dhe të evitimit të indiferentizmit të saj në këtë drejtim. Zoti Podgorica vlerësoi zhvillimet pozitive të Shqipërisë e në veçanti sukseset e kësaj partie, duke i vlerësuar ato si shumë të rëndësishme në gjithë Ballkanin, si vendi i parë ish-komunist që me votë të lirë demokratike zgjodhi rrugën e demokracisë. Zoti Selami dhe zoti Podgorica shprehën mendimin se në mjaft raste Shqipëria dhe roli i saj ende nuk zënë vendin që meritojnë në opinione e institucione perëndimore. Të dyja palët shprehën dëshirën për zgjerimin dhe forcimin e marrdhënieve dypalëshe. ATSH

Në një konferencë shtypi të hënën, zëdhënësja e UNHCR-së, znj. Vivian Tan njoftoi se kthimi i refugjatëve në Vukovar vazhdon, por numri i të riatdhesuarve është ulur. Zëdhënësja citoi shifra zyrtare për 660.000 refugjatë të kthyer deri tani në Bosnje, 500.000 prej të cilëve kanë gjetur strehim të përhershëm brenda vendit. Megjithëse me riaftdhesimin në Vukovar javën e kaluar, UNHCR ka filluar në teori programin për kthimin e refugjatëve në Kroaci, agjensia mbetet e shqetësuar se kushtet nuk janë pjekur ende për t'u rikthyer. Programi i rifilluar i riatdhesimit në Bosnjë do të duhet të përshpejtojë kthimin e refugjatëve në rajonet e kontrolluara nga kroatët e myslimanët gjatë pesë muajve në vazhdim. Në periudhën janar-prill 1993, UNHCR-ja ndihmoi kthimin në Bosnje të 42.216 refugjatëve. SHP

Filluan bisedimet zyrtare mes delegacioneve të institucioneve të larta shtetërore dhe administrative të Shqipërisë e të Austrisë Tiranë. Zoti Franz Vranitzky, kancelar federal i Republikës së Austrisë, ka vlerësuar marrëdhëniet mes Shqipërisë dhe Austrisë si shumë të mira. Ai i bëri këto vlerësime në pallatin e Brigadave, në fillim të bisedimeve zyrtare mes delegacioneve të larta shtetërore dhe administrative të Shqipërisë dhe të Austrisë. Duke u ndalur në këto marrëdhënie, zoti Vranitzky tha se shkëmbimet në nivele të ndryshme janë shoqëruar me nënshkrimin e një numri marrëveshjesh të rëndësishme dhe se Austria është partneri më i rëndësishëm i Shqipërisë në shkëmbimet tregtare me vendet europiane. "Programi i stabilizimit ka meritë të veçantë", tha zoti Vranitzky. Ai e cilësoi shumë të rëndësishme gjendjen e qetësisë politike dhe shprehu mendimin se problemi i Kosovës dhe ai i Bosnjës nuk duhet të mbeten vetëm probleme të politikës së brendshme të ish-Jugosllavisë, por në zgjidhjen e tyre duhet të jetë e pranishme Europa. "Gjatë bisedimeve me Presidentin Berisha ne do t'i kushtojmë vëmendje të veçantë forcimit të bashkëpunimit ekonomik e tregtar, duke synuar nënshkrimin e marrëveshjes për promovimin dhe mbrojtjen reciproke të investimeve, si dhe të një marrëveshjeje tjetër për shmangien e taksimit të dyfishtë", tha kancelari austriak. Kryetari i delegacionit shqiptar, kryeministri Aleksandër Meksi tha se vizita e kancelarit Vranitzky është një vazhdimësi në marrëdhëniet e shkëlqyera midis dy vendeve tona dhe se Austria ka qenë ndër vendet e para që i dha ndihmën e saj Shqipërisë. "Në sajë të përpjekjeve të ndërsjella, nga viti në vit janë zgjeruar kontaktet dhe bashkëpunimi shumëplanësh midis dy vendeve. Sidomos për ekonominë shqiptare, kapitali dhe përvoja austriake përbëjnë një ndihmesë të çmueshme në procesin e reformave", tha kryeministri Meksi. Ai theksoi se vendi ynë i ka kushtuar dhe i kushton vëmendje marrëdhënieve me Austrinë edhe për shkak të rolit të saj aktiv në proceset integruese të Europës dhe veçanërisht në zhvillimet në Europën Qendrore e Lindore. Duke shprehur interesin e Shqipërisë për pjesëmarrje aktive në procesin e integrimit europian, kryeministri Meksi vuri në dukje se, për fat të keq, vendi ynë ende nuk është vlerësuar sa duhet në strukturat e Europës. Duke folur për situatën në Kosovë, kryeministri Meksi tha se, megjithëse tani ka një rritje të presionit ndërkombëtar ndaj Serbisë, ne shprehim shqetësimin tonë lidhur me mosshfrytëzimin e këtij presioni për të arritur një zgjidhje paqësore të problemit. Po kështu, kryeministri Meksi tha se është shqetësues intensifikimi i luftimeve në Bosnjë. Në një intervistë të shkurtër për gazetarët, kancelari Vranitzky e përshkroi këtë vizitë si shumë të suksesshme. Ai tha se ka qenë shumë i kënaqur që ka vizituar Shqipërinë dhe posaçërisht Tiranën, duke theksuar se ka qenë i befasuar nga ndryshimet pozitive që ka parë në vendin tonë. ATSH

NGA TAKIMI I ALEKSANDËR Meksit me ministrin e jashtëm rumun, TEOdor VIoreL MELESCANU Tiranë. Zoti Aleksandër Meksi e vlerësoi takimin me ministrin e jashtëm të Rumanisë, zotin Teodor Viorel Melescanu, si mjaft të rëndësishëm për të konkretizuar më tej marrëdhëniet e miqësisë e bashkëpunimit midis dy vendeve. Duke bërë një vlerësim të marrëdhënieve shqiptaro-rumune, kryeministri Meksi tha se tashmë ekziston një bazë juridike dhe një kuadër i përshtatshëm për bashkëpunim ekonomik, politik e kulturor. Ai tha se pala shqiptare ka bërë maksimumin e saj për të favorizuar marrëdhëniet e gjithanshme midis dy vendeve tona, duke krijuar një terren të favorshëm për sipërmarrësit e biznesmenët rumunë në Shqipëri. Kryeministri Meksi vlerësoi gjithashtu ndihmën që autoritetet rumune kanë dhënë në zgjidhjen e problemeve të emigracionit shqiptar në Rumani. Në fjalën e tij, ministri rumun i punëve të jashtme, zoti Teodor Viorel Melescanu, tha se qeveria rumune i kushton rëndësi të veçantë zhvillimit të marrëdhënieve me Shqipërinë, si një vend me një rol të rëndësishëm në Ballkan. Duke vlerësuar reformat e thella demokratike e ekonomike të ndërmarra nga pala shqiptare, zoti Melescanu tha se reformat po ecin në rrugë të mbarë. Ai theksoi se Rumania është e interesuar për zgjerimin e bashkëpunimit ekonomik dhe tregtar me Shqipërinë dhe se tashmë ekzistojnë mundësi të shumta në këtë drejtim. Kryeministri Meksi dhe ministri rumun i punëve të jashtme u shprehën për një bashkëpunim më të ngushtë midis dy vendeve tona në kuadër të organizmave ndërkombëtare. Vo u interesua për shkëmbimin e eksperiencave midis dy vendeve në fushën e privatizimit, të administratës publike dhe të decentralizimit të pushtetit vendor. Ministri rumun vlerësoi gjithashtu politikën paqësore të Shqipërisë në Ballkan dhe rolin e saj konstruktiv në zgjidhjen e problemeve të rajonit. ATSH

Mustruesti nuk e luan figuren e Kosovës ata vese i shërben demit ekonomik te Shqipërisë U bë një kohë e gjatë që veç shtypit, televizionit shqiptar, opinionit publik dhe vetë parlamentit nuk iu dha se duhej dhe nuk mund ta shpjegonte se për ç'arsye u caktua një drejtues në një post kaq të rëndësishëm, si kreu i misionit diplomatik shqiptar në Organizatën e Kombeve të Bashkuara, që me një rresht në CV-në e tij nuk justifikon një post të tillë. E kemi fjalën për zotin Dini Sejdiu, emri i të cilit ka një vit që nuk ndahet nga shtypi shqiptar i kohës. Mirëpo qëllimisht, duke qenë se ai është i lidhur me disa qendra të rëndësishme dhe me njerëz të fuqishëm të Uashingtonit, askush deri më sot nuk e ka guxuar publikisht ta pyesë se çfarë përfaqëson dhe kujt i shërben në të vërtetë. Ka filluar të flitet sot gjithnjë e më hapur se Dini Sejdiu nuk përfaqëson shtetin shqiptar, por disa interesa e lidhje të tjera, dhe se përdor detyrën e tij për të ndërtuar imazh personal e për të mbajtur lidhje që s'kanë të bëjnë me interesin kombëtar shqiptar. Mjafton të kujtohet zelli i tij për të marrë pjesë në çdo veprimtari ku përmendet Kosova, për të kuptuar se ai po përpiqet të krijojë një rol të dyfishtë, të paqartë dhe të rrezikshëm. Kosova është çështje kombëtare e shqiptarëve dhe nuk mund të përdoret si kartë individuale për karrierë politike. Ajo kërkon institucione serioze, diplomaci shtetërore dhe përfaqësim të pastër. Në rastin e zotit Sejdiu duket sikur kemi të bëjmë me një përzierje interesash personale, emocionale e politike, e cila më shumë dëmton sesa ndihmon. ATSH shqiptarëve në SHBA, për të ngritur pikëpyetje serioze mbi mënyrën se si ky njeri është ngjitur kaq lart. A ka mbështetje politike? A ka sponsorizime? A ka lidhje të pashpjeguara me qarqe të caktuara amerikane? Dhe pse qeveria shqiptare hesht? Nëse ai është dërguar aty për të mbrojtur Shqipërinë, le ta bëjë me dinjitet dhe profesionalizëm. Nëse është aty për të luajtur një rol tjetër, atëherë institucionet shqiptare duhet ta sqarojnë pa vonesë. Përndryshe, dëmi që ai mund t'i bëjë interesave të Shqipërisë dhe të Kosovës është i pallogaritshëm. (vijon në faqen 2)

Në një konferencë të përbashkët shtypi që dy ministrat e jashtëm zhvilluan dje paradite, zoti Teodor Viorel Melescanu deklaroi se ky ishte një takim mjaft i frytshëm. "Kemi rënë dakord për zhvillimin e mëtejshëm të marrëdhënieve shqiptaro-rumune. Shqipëria ka bërë përparime të rëndësishme në fushën e reformës dhe të stabilitetit politik". Ministri Melescanu vlerësoi rolin pozitiv të Shqipërisë për paqen dhe stabilitetin në Ballkan. Ministri i jashtëm shqiptar Alfred Serreqi theksoi se gjatë takimit dypalësh u trajtuan gjerësisht marrëdhëniet ekonomike, politike dhe kulturore midis dy vendeve. Ministri Serreqi tha se pala shqiptare vlerëson qëndrimin e Rumanisë për të mbështetur çështjen shqiptare në Kosovë. ATSH