Sot vjen për një vizitë zyrtare në Shqipëri presidenti i Republikës Federale të Gjermanisë, prof. dr. Roman Herzog. Vizita e presidentit Herzog në Shqipëri bëhet në kuadër të marrëdhënieve gjithnjë e më të mira dhe miqësore që po vendosen midis dy vendeve tona. Shqiptarët e çmojnë veçanërisht dhe e vlerësojnë lart interesimin e vazhdueshëm të qeverisë gjermane si dhe të kancelarit Kol për fatin e Shqipërisë në ditët më të vështira për të. Kjo përkujdesje u bë akoma më e ndjeshme dhe më e prekshme sidomos pas marrjes së Shqipërisë në organizatat ndërkombëtare. Në këtë rast në vendin tonë mbërrin dhe një delegacion i madh ekonomik i përbërë nga 26 biznesmenë, me në krye dr. Michael Fuchs, kryetar i Forumit Ekonomik Gjermani-Shqipëri. Në fjalën e tij gjatë një pritjeje të dhënë prej ambasadorit gjerman z. Peter Schallenberg me rastin e festës së ribashkimit të Gjermanisë, dr. Fuchs i cilësoi marrëdhëniet ekonomike me Shqipërinë si më të rëndësishmet për Gjermaninë në Ballkan. Kjo është një vëmendje që qeveria gjermane po ia kushton vendit tonë duke u përfaqësuar nga personalitete të larta të politikës, kulturës dhe ekonomisë, duke filluar që nga presidenti i vendit, kancelari Kohl, ish-presidenti Weizsäcker si dhe personalitete të fushave të tjera. Sonte ora 20.00 presidenti i Gjermanisë, z. Roman Herzog do të pritet në aeroportin e Rinasit si mik i shquar i vendit tonë nga presidenti i Republikës, z. Sali Berisha. Nesër presidenti Herzog do të zhvillojë bisedime me autoritetet e larta të shtetit shqiptar dhe do të ketë takime me përfaqësues të spektrit politik. Midis të tjerave presidenti Roman Herzog do të ketë një takim dhe me përfaqësues të komunitetit gjerman në vendin tonë. Vizita e presidentit gjerman në vendin tonë përfshin edhe një vizitë në qytetin e Krujës. Gjatë qëndrimit të tij në Shqipëri, presidenti Herzog i shoqëruar nga ministri i Financave dhe nga biznesmenët gjermanë do të jenë të pranishëm në inaugurimin e hotel Tiranës. Në këtë ceremoni, dr. Fuchs nga ana e biznesmenëve gjermanë do të mbajë një fjalë përshëndetëse dhe do t'i dorëzojë zotit Bashkim Fino, kryetarit të sapozgjedhur të shoqatës së biznesmenëve shqiptaro-gjermane, statutin dhe rregulloren e kësaj shoqate. ZOTI DR. ROMAN HERZOG Presidenti i Republikës Federale të Gjermanisë gjatë një konference shtypi me presidentin e Shqipërisë dr. Sali Berisha. Të pranishëm në këtë konferencë ndër të tjerë edhe ambasadori gjerman në Tiranë z. Peter Schallenberg dhe ministri i Jashtëm Alfred Serreqi. Nga konferenca për shtyp e ambasadorit gjerman Klaus Volers Nga vizita e Presidentit të RF të Gjermanisë Dr. Herzog monument kulturor me rëndësi të veçantë në marrëdhëniet dypalëshe e deklaratë e përbashkët për një vizitë të suksesshme, politika dhe institucionale

ZYRA E SHTYPIT PRANË PRESIDIDENTIT TË REPUBLIKËS Presidenti i Republikës, dr. prof. Sali Berisha, priti dje në Presidencë Shoqatën “Miqësia shqiptaro-gjermane” e cila sapo ka filluar veprimtarinë e saj dhe disa përfaqësues të komunitetit gjermano-shqiptar në vendin tonë. Z. Buxhovi, president i shoqatës, i bëri të ditur presidentit Berisha se kjo shoqatë ka si qëllim fuqizimin e miqësisë tradicionale shqiptaro-gjermane dhe të nxisë dhe të ndihmojë bashkëpunimin ekonomik e kulturor midis të dy vendeve. Ai shtoi se synim i shoqatës është që të japë ndihmesën e saj në njohjen e Shqipërisë së re në Gjermani. Presidenti Berisha, duke i uruar shoqatës sukses në veprimtarinë e saj dhe shprehur besimin se ajo do të ndikojë pozitivisht në njohjen e Shqipërisë së re në Gjermani, tha se falë zhvillimeve demokratike Shqipëria është futur tashmë në rrugën e paqes së vërtetë. Sipas presidentit Berisha, nga momenti i shpalljes së pavarësisë dhe gjatë pesëdhjetë viteve të regjimit komunist, shqiptarët me forcën e tyre mendore, por edhe me ndihmën e posaçme dhe mjaft bujare të Gjermanisë, e kanë vlerësuar dhe do ta çmojnë gjithmonë ndihmën dhe kujdesin e qeverisë gjermane për konsolidimin e demokracisë dhe ekonomisë së tregut në Shqipëri. Presidenti Berisha vlerësoi lart rolin dhe kontributin e biznesmenëve gjermanë në Shqipëri, të cilët sipas tij, me investimet e tyre po i japin një ndihmë të çmuar jo vetëm ekonomisë së tregut, por edhe demokracisë sonë të re. Presidenti Berisha i konsideroi mjaft të rëndësishme investimet që po bën Gjermania në Shqipëri dhe vuri në dukje se zhvillimi intensiv i tregtisë me Shqipërinë dhe përkrahja e biznesit shqiptar në Gjermani janë faktorë me rëndësi jo vetëm për zhvillimin ekonomik të vendit, por edhe për stabilitetin politik në rajon. EDI LOLQA

Ambasadorit të Republikës Çeke në Tiranë z. Krsko Cajka Ministria e Punëve të Jashtme e Republikës së Shqipërisë, me anë të një note të datës 20 shkurt 1995, i ka bërë të njohur Ambasadës së Republikës Çeke në Tiranë protestën e saj në lidhje me botimin në shtypin çek të një shkrimi nga ambasadori çek në Tiranë, z. Krsko Cajka. Në këtë shkrim me titull “Mafja shqiptare në Tiranë”, ambasadori Krsko Cajka ka shprehur opinione e mendime me tone fyese ndaj Shqipërisë dhe shqiptarëve, opinione e mendime që lidhen me çështje dhe probleme të politikës së brendshme shqiptare. Duke vlerësuar shkrimin si një veprim të pavend nga ana e një përfaqësuesi diplomatik të akredituar në Shqipëri dhe si mospërfillje të rregullave dhe praktikës së marrëdhënieve diplomatike, Ministria e Punëve të Jashtme të Republikës së Shqipërisë i ka kërkuar Ambasadës Çeke shpjegime të mëtejshme. Në notën e Ministrisë së Punëve të Jashtme dënohet përpjekja e ambasadorit çek për të dhënë konstatime të tilla për probleme dhe çështje të brendshme të Shqipërisë, si dhe veçanërisht kualifikime të tilla të papranueshme e fyese për vendin tonë si “mafia shqiptare”. Në notën shqiptare vihet në dukje gjithashtu se vlerësime të tilla të pavërteta dëshmojnë për njohjen e cekët e sipërfaqësore të realitetit shqiptar, dhe se ato nuk i shërbejnë frymës së mirëkuptimit e të bashkëpunimit dypalësh, por nxisin paragjykime e keqkuptime. Në përfundim të notës sonë, i kërkohet Ambasadës së Republikës Çeke që t’i bëjë të njohur qeverisë së saj reagimin dhe shqetësimin e palës shqiptare lidhur me këtë çështje. EDI LOLQA

“Mos e nënvleftësoni ashpërsinë e fazës së tranzicionit...” E do të ishte gabim të aludohej e të përgjithësohej situata në vendin tonë, veçanërisht ajo në mjediset e kryeqytetit. Besoj se pjesa më e madhe e popullsisë së Tiranës po pasurohet dhe po emancipohet. Në çdo vend jeta e përditshme mbart edhe shqetësime, sikurse ka edhe gjëra shumë pozitive. Shqipëria doli nga një komunizëm barbar, vendi më i varfër i Europës. Tani po kalon në ekonominë e tregut dhe çdo shqiptar po e sheh se përfshirja në të kërkon jo vetëm dije e kulturë por edhe përkushtim të madh. 40 për qind e shqiptarëve janë bërë pronarë të vegjël. Historia e Shqipërisë po ndërron me mbështetjen e pakursyer të Perëndimit. Tani ky popull duhet të vazhdojë të punojë dhe të sakrifikojë shumë. Mund të ketë edhe “humbës”, por shumica po fiton. Vetëm me qëndresë dhe me durim do të kapërcehet kjo periudhë kalimtare. Shkrimi tjetër për shpifje, së paku, duhet t’i kërkonte të falur publikut shqiptar. Të thuash në shtyp “mafia shqiptare” do të thotë të ofendosh të gjithë shqiptarët pa dallim. Shqipëria e ka kaluar tashmë fazën e sulmit të egër politik e propagandistik. Sot vendi duhet të forcojë paqen sociale dhe marrëdhëniet e fqinjësisë së mirë. Ju lutem mos rrëshqitni në vlerësime sipërfaqësore. Shqipëria nuk është më vendi i pasigurisë së pakontrolluar. Kjo nuk do të thotë se nuk ka probleme, por ato duhen parë me maturi dhe me njohje reale të zhvillimeve. (Ylli po na bëhet?)

Ndërpret për momentin veprimet në Shqipëri I ndodhur me një tur udhëtimesh nëpër Evropën qendrore e lindore nga Maqedonia ai ndaloi në Tiranë dhe deklaroi përpara hyrjes së hotel Dajtit, se “gjobat e qeverisë për dollar” mund të dëmtonin reformën. Ai deklaroi se do të preferonte të shkonte për 20 minuta drejt qeverisë më në skaj të qendrës dhe të takonte një ose dy deputetë opozitarë. Më pas udhëtoi drejt Bullgarisë. Në këtë rast ai tha se po vinte për të zhvilluar bisedime me presidentin Berisha dhe kryeministrin Meksi, por shtoi se vlerësimet e tij qenë keqkuptuar nga shtypi. Megjithatë në qarqet diplomatike është vënë re se ai ka shtyrë një pjesë të programeve dhe se stafi i tij ka ndërprerë përkohësisht disa aktivitete. Sipas vëzhguesve kjo tregon se diplomacia shqiptare ka reaguar me vendosmëri ndaj çdo deklarate të papërgjegjshme që cenon imazhin e vendit. (Vijon në faqen 3)

Në seancën e djeshme të Kuvendit Popullor kryetari i tij Servet Pëllumbi bëri të ditur vendimin për përjashtimin me 15 ditë të deputetit Alben Imami nga punimet e kuvendit. Sipas tij, ky vendim erdhi pas sjelljes së deputetit në seancat e mëparshme dhe pengimit të zhvillimit normal të punimeve. Deputetë të opozitës e kundërshtuan vendimin duke e cilësuar atë politik, ndërsa përfaqësues të shumicës thanë se masa ishte në përputhje me rregulloren e kuvendit. ATSH

Korresp. i “RD” Përpara ditës së djeshme kryeministri i Maltës erdhi në Shqipëri dhe në konferencën për shtyp u shpreh për rëndësinë e marrëveshjes në fushën e turizmit. Ai tha se “një qendër e tillë në Shqipëri do të ndihmojë në ndërtimin e infrastrukturës turistike” dhe se vendi i tij është i gatshëm të ofrojë përvojën e vet në menaxhimin e zonave bregdetare dhe në shërbimet turistike. Marrëveshja e nënshkruar parashikon shkëmbime ekspertësh, trajnime dhe projekte të përbashkëta për përmirësimin e standardeve turistike. U fol gjithashtu për lidhjet detare dhe për nxitjen e investimeve. ATSH

Qeveria malajziane ofroi një kredi prej afro 20 milionë dollarë për disa projekte të rëndësishme dhe deklaroi se një pjesë e saj do të përdoret për infrastrukturë dhe për zhvillimin ekonomik. Burime zyrtare thanë se marrëveshja u arrit gjatë kontakteve të fundit dhe se kushtet janë të favorshme. ATSH

Zyrtarë të lartë të qeverisë shqiptare diskutuan në mbledhjen e djeshme për çështje të ekonomisë, privatizimit dhe përgatitjet administrative. Theks i veçantë iu vu përmirësimit të klimës së biznesit dhe bashkëpunimit me partnerët e huaj. S. SH. Nga mbledhja e djeshme e qeverisë

Faqe 3

Aktivitet e PD në Korçë, Vlorë, Elbasan, Krujë, Durrës, Kavajë, Dropojë- Pukë, Bulqizë, Kolonjë, Devoll, Berat Faqe 2