Ndëri i kombit
Fjala i Presidentit Berisha në rastin e dekorimit të E. Sabato, I. Kodra dhe I. Kadare
Ndëri i kombit
Kadare, Sabato, Kodra
Një komb dallohet nga njerëzit e mëdhenj që nderon
I am i bindur sot, i nderuar zoti ambasador, i nderuar zoti Sabato, zonja Kodra, miq të nderuar se burrat e mëdhenj, shkrimtari Ernesto Sabato, piktori Ibrahim Kodra, piktori dhe shkrimtari Ismail Kadare, që ne kemi nderin e veçantë t'i dekorojmë sot me urdhrin më të lartë të shtetit shqiptar “Nderi i Kombit”, përfaqësojnë me dinjitet dhe shkëlqim të madh në shkallë universale kombin shqiptar. Urdhri që sot i jepet zotit Sabato, zotit Kadare, zonjës Kodra nga Presidenti i Republikës së Shqipërisë dhe shqiptarët është në fakt dekorimi më i lartë që kombi shqiptar u bën njerëzve të shquar e me famë botërore. Për mua është një nder i madh, por dhe kënaqësi e veçantë të dekoroj burrat e mëdhenj, të nderuarin zotin Sabato, piktorin e shquar Ibrahim Kodra, gjeniun universal të letrave shqipe dhe njërit prej intelektualëve më të shquar të botës, zotit Ismail Kadare.
Sot ne nderojmë shkrimtarin e famshëm Ernesto Sabato, mikun e shqiptarëve, njërin ndër intelektualët më të mëdhenj të Amerikës Latine. Në kulturën botërore, emri i tij është padyshim mes emrave të shquar në radhën e atyre shkrimtarëve, mendimtarëve të mëdhenj të këtij shekulli. Romanet dhe esetë e tij, përveçse vepra të një force të jashtëzakonshme artistike, janë dhe një analizë e thellë e botës moderne me krizat, shqetësimet dhe tmerret e saj. Në to ka shpërthyer fuqishëm revolta e një njeriu të ndershëm e me kurajo, ndërgjegjja e lartë qytetare e shkrimtarit që sheh me shqetësim dhimbjet e njerëzimit dhe përpiqet të hedhë dritë mbi to. Zoti Sabato ka fituar respektin dhe admirimin e njerëzve jo vetëm si shkrimtar i shquar, por dhe për guximin e rrallë qytetar, si kryetar i komisionit të posaçëm për hetimin e zhdukjes së mijëra kundërshtarëve politikë të juntës ushtarake të viteve të diktaturës në vendin e tij. Kudo që është gjendur, gjatë gjithë jetës së tij, zoti Sabato u ka dalë krah të dobëtve dhe ka mbrojtur të drejtat dhe lirinë e njerëzve. Vlerat dhe mesazhet e veprës së tij do të mbeten një trashëgimi e rëndësishme në pasurimin shpirtëror të njerëzimit.
Ne dekorojmë piktorin e madh Ibrahim Kodra, një nga personalitetet më të njohura të kulturës shqiptare dhe asaj evropiane, të cilit i takon një vend i veçantë në pikturën moderne. Jeta dhe krijimtaria e tij janë një dëshmi e lidhjeve të fuqishme të gjeniut krijues shqiptar me traditën tonë kombëtare, me shpirtin dhe emocionin e një populli me ndjenja të holla dhe imagjinatë të begatë. Në pikturën e I. Kodrës ka forcë shpërthyese, fantazi të rrallë, dramë e gëzim, finesë dhe ngjyra. Me veprën e tij ai i ka dhënë nder Shqipërisë dhe kombit shqiptar.
Sot nderojmë Ismail Kadarenë, shkrimtarin e madh shqiptar, një personalitet të kulturës sonë kombëtare dhe asaj evropiane, një zë të fuqishëm e të respektuar të letërsisë së sotme botërore. Vepra e Kadaresë përbën një univers të tërë artistik ku pasqyrohen drama, dhimbja, ëndrra, rezistenca, dinjiteti dhe etja për liri e popullit shqiptar. Me një gjuhë të pasur artistike, me fuqi të rrallë imagjinate dhe mendimi, ai ka bërë që fjala shqipe të tingëllojë me dinjitet në tribunat më të larta të kulturës botërore. Kadareja është një nga ata shkrimtarë që i kanë dhënë identitet dhe prestigj kombit të tyre.
Një komb dallohet nga njerëzit e mëdhenj që nderon dhe mënyra si i nderon ata. Shqipëria, duke nderuar sot Ernesto Sabaton, Ibrahim Kodrën dhe Ismail Kadarenë, nderon veten, kulturën e saj, aspiratat e saj evropiane dhe humaniste. Këta njerëz të mëdhenj janë krenaria jonë dhe dëshmia më e bukur se ky komb di të prodhojë vlera dhe t'i vlerësojë ato.
Sabato Kadare Kodra
Jam shumë i gëzuar që është vendosur demokracia në Shqipëri, sepse më parë kam enduruar shpesh të vira në Shqipëri, andaj e konsideroj si një nder dhe dekoratë, sepse doja ta vija dhesiron ky popull, - tha Sabato
Evropos - supher Kodra