Italia dhe Austria kërkojnë zyrtarisht vendosjen për dërgimin e një force mbrojtëse BRUKSEL, 25 mars /AFP/ Shtetet e Bashkimit Evropian nuk kanë mundur të bien dakord dje në Bruksel rreth dërgimit të ndihmave humanitare në Shqipëri, shoqëruar me një forcë mbrojtëse me siguri të domosdoshme të kërkuar nga Italia. “BE-ja mund të dërgojë njëkohësisht ndihma humanitare, kryesisht ushqime dhe ilaçe, në Shqipëri, dhe një forcë sigurie për të mbrojtur shpërndarjen e ndihmave, por në një bazë vullnetare dhe jo nën komandë të përbashkët”, tha ministri i Jashtëm holandez, Hans van Mierlo, vendi i të cilit mban presidencën e radhës të unionit. “Ne kemi një dëshirë të fortë për një veprim të përbashkët, por duhet kuptuar se jo të gjitha vendet e Bashkimit Evropian ndajnë të njëjtin mendim”, shtoi ai. Ministri i Jashtëm italian, Lamberto Dini, i bëri dje zyrtarisht Bashkimit Evropian kërkesën për vendosjen e një force mbrojtëse për dërgimin e ndihmës në Shqipëri. Ministri i Jashtëm austriak, Wolfgang Schüssel, ka bërë një propozim në të njëjtin drejtim. “Ne jemi shumë afër gjetjes së një qëndrimi të përbashkët”, shprehu besimin sekretari i shtetit gjerman për Evropën, Werner Hoyer, para fillimit të takimit. Por disa shtete evropiane, mes të cilave Franca e Belgjika, u shprehën me rezerva. Në tekstin e miratuar përfundimisht, ministrat e Jashtëm të Pesëmbëdhjetëshes i lënë çdo shteti anëtar të drejtën për të vendosur individualisht për dërgimin e forcave të sigurisë, që do të shoqërojnë ndihmën humanitare në Shqipëri. Teksti shpreh gjithashtu mbështetjen për kërkesën e OSBE-së që vendet anëtare të kontribuojnë për vëzhgimin e zgjedhjeve në Shqipëri. Një zëdhënës i presidencës hollandeze deklaroi se Bashkimi Evropian do të mbështesë përpjekjet ndërkombëtare për stabilizimin e situatës në Shqipëri dhe për krijimin e kushteve për rikthimin e rendit.

Brenda demokratëve se pranë të këto momente kritike janë ata që, jo vetëm i kanë zënë peshqit veten nga zhvillimet e papritura të situatës në vend, por gjithnjë kanë shprehur shqetësimin për agravimin e gjendjes nga dita në ditë. Megjithatë, kjo ka ardhur kryesisht nga keqinformimi që qarkullonte me qëllim nga media e majtë. Nga biseda me bazën e anëtarësisë në të gjithë Shqipërinë, njihej tejet qartë se orientimi i saj mund të ishte dhe në favor të ndryshimit të formës së qeverisjes dhe të respektimit të personaliteteve të ndryshme, por kjo gjithnjë si mjet për zgjidhjen e krizës dhe jo si aspiratë afatgjatë. Demokratët nuk janë rob të formave, as të emrave. Ka ardhur koha të ecim me gjakftohtësi e pjekuri drejt zgjidhjes së krizës sa më parë. Kompromisi nuk duhet konsideruar dobësi. Përkundrazi ai është një shenjë pjekurie politike. Qëndrimet me pjekuri të treguara dhe deklarimet e përfaqësuesve të opozitës lidhur me dëshirën për kapërcimin e ngërçit si dhe afishimi i parimeve në platformat e këtyre ditëve, të cilat kanë mbështetur opinionin e gjerë në nevojën e kapërcimit të krizës si dhe pranimin e vazhdimësisë së shtetit dhe të formave kushtetuese të tij, pa e çuar vendin në kaos të plotë, kanë bërë që në opinionin publik gjithnjë e më tepër të ndihet nevoja e gjetjes së konsensusit. Ndaj sot, detyra është që në këtë trysni morale të mblidhen të gjitha potencialet intelektuale e politike që vendit t’i jepet zgjidhja më e pranueshme. Pikërisht, në këtë vazhdë i duhet parë edhe takimi me përfaqësuesit e koalicionit të djathtë, sikundër nevoja e administratës së përkohshme për të reflektuar te çështja e përfaqësimit sa më të gjerë politik. Ashtu si dikur, as edhe sot, askush nuk mund të pretendojë zgjidhje të vetme. Ka kohë që e vërteta është e copëtuar. Dhe vetëm duke njohur këtë të vërtetë mund të ndërtojmë një rrugë të përbashkët daljeje. Në klimën e krijuar, çdo lloj ngurtësie, çdo retorikë fitimtarësh, çdo përjashtim apriori i tjetrit, vetëm sa e zgjat krizën. Kërkohet transparencë, përgjegjësi dhe sinqeritet. Nëse këto mungojnë, pajtimi kombëtar do të mbetet vetëm slogan. Por nëse ekzistojnë, Shqipëria mund ta kalojë edhe këtë provë të rëndë.

Presidenti Berisha priti z. George Miku të dërguarin e posaçëm të Presidentit dhe Qeverisë Rumune Presidenti i Republikës, Sali Berisha, priti dje të dërguarin e posaçëm të Presidentit dhe Qeverisë Rumune, z. Ambsadori Aleksandru Duda, i cili i dorëzoi Presidentit Berisha një mesazh të presidentit rumun, Emil Konstandinesku. Në mesazh shprehej shqetësimi i thellë i presidentit rumun për situatën në Shqipëri dhe vullneti për të ndihmuar në zgjidhjen e saj. Në takim Presidenti Berisha theksoi se zgjidhja e situatës në Shqipëri në përputhje me parimet demokratike, me kushtetutën dhe institucionet legale është kusht i domosdoshëm për të realizuar platformën e pajtimit dhe të qeverisë së mirë. Ai vlerësoi mbështetjen e Rumanisë për stabilitetin e Shqipërisë dhe përpjekjet e saj në kuadër të bashkëpunimit rajonal.

TIRANË, 25 mars /ATSH/ Presidenti i Republikës, z. Sali Berisha, dekretoi dhe emëroi dje anëtarët e rinj të Gjykatës Kushtetuese, z. Xhezair Zaganjori dhe z. Theodhori Sollaku, të cilët bënë betimin para Presidentit të Republikës. Ceremonia u zhvillua në Presidencë. Në fjalën e tij Presidenti theksoi rolin e Gjykatës Kushtetuese në garantimin e zbatimit të Kushtetutës dhe në mbrojtjen e të drejtave të qytetarëve.

Prodi dhe Frino nënshkruajnë: Marrëveshje për patrullimin në Adriatik ROMË, 25 MARS /NJA/ - Një marrëveshje italo-shqiptare mbi qarkullimin e avionëve dhe mjeteve lundruese të forcave ushtarake të të dy vendeve sapo ka hyrë në fuqi. Ajo u nënshkrua gjatë një ceremonie që u zhvillua në Ministrinë italiane të Mbrojtjes nga përfaqësuesit e dy vendeve. Marrëveshja ka të bëjë me kontrollin e operacioneve të kërkim-shpëtimit dhe patrullimit të hapësirave detare e ajrore përballë brigjeve shqiptare. Kjo marrëveshje vjen në një kohë kur është shtuar ndjeshëm fluksi i anijeve dhe barkave që përpiqen të kalojnë Adriatikun. Ajo parashikon shkëmbim informacioni operacional dhe koordinim të veprimeve të patrullimit.

Misioni europian i gatshëm për të fluturuar - deklaron Dini zgjedhjeve Faqe 3 Një delegacion i BE-së do të niset për në Shqipëri për të shqyrtuar çfarë misionesh? të garantot asistencë, puna e së cilës do të garantojë nga një forcë ndërkombëtare mbrojtëse

TIRANË, 25 MARS/ATSH/ - Në propozim të Ministrisë së Financave, Këshilli i Ministrave ka marrë disa masa lidhur me administrimin e dhurimeve monetare nga persona fizikë, juridikë dhe nga organizata joqeveritare për ndihma sociale për familjet dhe individët e prekur nga kriza. Dhurimet do të përqendrohen në llogari të posaçme bankare dhe do të administrohen nga strukturat përkatëse shtetërore. Sipas vendimit, një pjesë e fondeve do të përdoren për ndihmën e menjëhershme, ndërsa pjesa tjetër për përballimin e nevojave afatmesme.

Mbërritën 40 tonë ndihma humanitare franceze në Tiranë TIRANË, 25 mars /ATSH/ - Një avion transportues ushtarak i Forcave Ajrore franceze zbarkoi sot në aeroportin e Rinasit, nga ku u shkarkuan 40 tonë ndihma humanitare të destinuara për popullsinë e jugut shqiptar. Flotja e Ushtrisë rumune ka mbërritur në Vlorë me 700 tonë drithëra, 95 mijë shishe ujë, 4.600 komplete ushqimore, 80 çadra, ndihma mjekësore dhe kimike. Evokja? Pushteti lokal duhet respektuar nga qeveria e gjinë Faqe 3 Parësore mbrojtja e rendit kushtetues, dhe funksionimi i pushtetit lokal Faqe 3