Opozita në parlamenti votoi kundër platformës 4 mujore të qeverisjes. Ndonëse qeveria siguroi votëbesimin me 76 vota pro, në sallë ishin vetëm 72 deputetë. Votat u numëruan me kupë. Opozita akuzoi mazhorancën se ka shkelur Kushtetutën dhe Rregulloren e Parlamentit. Rezultati i votimit mungon në procesverbalin e seancës plenare. Sipas rregullores, do të duhej që të paktën 71 deputetë të jepnin votën e tyre në kutitë përkatëse. Kurse në votim morën pjesë vetëm 69 deputetë. Vetëm në sajë të trukut me kupën e votimit, qeveria shpëtoi. E shtyrë nga qeverisja e dhunës, shumica socialiste bllokoi dje në parlament interpelancën me kryeministrin Nano. Kjo bëri që opozita të bllokonte punimet e Kuvendit për disa orë. Kjo nuk pengoi shumicën që të miratonte edhe amendamentin e shumëdiskutuar të kryetarit të Komisionit të Medias, Aliborit, i cili e dënon me 250 milionë gjobë gazetën që botonte dokumenta sekrete. Të njëjtën shumë duhet të paguajë edhe botuesi. PS-së dhe PSD-së i deshën vetëm 55 minuta për të mbyllur seancën e djeshme parlamentare. Opozita demokrate akuzon se qeveria e majtë po e çon vendin në rrugë të kundërt me Europën. Në mbyllje të seancës, anëtarët e grupit parlamentar opozitar u ngujuaen për afro dy orë në sallën e seancave plenare. Opozita paralajmëron ndërprerjen e jetës parlamentare. Kryesia e Kuvendit, në mes të zhurmës socialiste dhe protestave të opozitës, shtyu debatin dhe miratimin e platformës katër mujore të qeverisë Nano. Kësisoj shumica bllokoi të gjitha përpjekjet për të detyruar kryeministrin Nano të përgjigjej mbi akuzat e shumta për skandale e afera korruptive. Tjetër risi në seancën e djeshme ishte numërimi i votave me kupë qelqi. Kupat ishin të zeza dhe jo transparente. Opozita kundërshtoi votimin me kupë, duke e cilësuar atë si antikushtetues. Mungesa e transparencës në numërimin e votave ngriti dyshime serioze për manipulim të rezultatit. NË FAQEN 2