Merret peng komisari i policisë se Vlorës
Drejtuesit e skafëve rrëmbejnë dhe keqtrajtojnë kreun e policisë së qytetit bregdetar. Ministria e Brendshme nuk kishte asnjë informacion për fatin e tij
Ministri i rendit Xhafaj akuzon për pushtetarë dhe deputetë të implikuar në incidentin e rëndë të Vlorës dhe në rrëmbimin e përgjithshëm ne qytetin bregdetar
Merret peng komisari
i policisë së Vlorës
Drejtuesit e skafëve rrëmbejnë dhe keqtrajtojnë kreun e policisë së qytetit
bregdetar. Ministria e Brendshme nuk kishte asnjë informacion për fatin e tij
Ministri i rendit Xh[?]faj akuzon për pushtetarë dhe deputetë të implikuar në incidentin e
rëndë të Vlorës dhe në rrëmbimin e përgjithshëm ne qytetin bregdetar
Kur shteti merr
peng shtetin!
Nga Edi PALOKA
Mbrëmjen e djeshme, Shqipëria shkoi pothuajse në dore të
maskave të skafeve. Pas disa orë veprimi të lirë të tyre, në qytetin e
Vlorës dhe në një pjesë të Shqipërisë, policia u zhduk krejtësisht.
Lajmet që vinin nga Vlora thoshin se policia e këtij qyteti ishte
shpartalluar dhe se kreu i saj ishte marrë peng dhe po torturohej.
Skenat e kësaj lufte civile të dytë ishin më të papërfytyrueshmet.
Pasi kishin kidnapuar, keqtrajtuar dhe më pas lënë pa ndjenja kreun
e policisë së qytetit, drejtuesit e skafeve kishin rrethuar shtëpinë e
një prej shefave të komisariatit dhe e kishin kërcënuar me armë.
Shokët e shefit të policisë, sikurse njofton edhe korrespondenti ynë,
ishin mbyllur nëpër shtëpitë e tyre dhe jo vetëm nuk guxonin të
ndërhynin për të shpëtuar shefin e tyre, por, përkundrazi, e kishin
mbyllur telefonin dhe nuk dihej ku ishin fshehur. Sakaq, qyteti kishte
mbetur pa policë dhe i gjithë ai shpartallim ishte në dorë të
drejtuesve të skafeve. Të cilët, pasi kishin rrëmbyer dhe rrahur shefin
e policisë, kishin vendosur postblloqe në hyrje të Vlorës dhe nuk
lejonin të hynte njeri. Në mbrëmje vonë, qetësia e shqetësuar u
vendos nga FNSH, por së paku deri në momentin që po mbyllnim
këtë shkrim, shefi i policisë së Vlorës vazhdonte të ishte i rrëmbyer.
Episodi i mësipërm ndodhi pak pasi qeveria dekretoi masa të
forta kundër trafikimit të qenieve njerëzore dhe një ditë pasi kryetari i
Partisë Socialiste, Fatos Nano, u bëri thirrje të gjithëve ata që i janë
kthyer kësaj veprimtarie të heqin dorë me shpejtësi. Për koincidencë,
kjo luftë mes policisë dhe skafistëve, përveç të tjerash, ishte një luftë
mes trafikantëve që ishin kundër Nanos dhe të tjerëve që ishin me
Nanon.
Pak orë pasi ministri i Rendit, deputeti Spartak Poçi deklaroi në
Parlament se nuk kishte më lloj skafisti që fitonte nga trafiku, shefi i
policisë së Vlorës po rrëmbehej. Vështirë të kujtosh një veprim më
cinik sesa kjo deklaratë që bëhej në Parlament, në të njëjtën kohë kur
në një skaj të vendit po zhvilloheshin luftëra për kontrollin e trafikut.
A do të ketë pasoja ky episod, edhe për ministrin që ka deklaruar
në Parlament se e kishte zgjidhur luftën me trafikantët e skafeve,
megjithëse shefi i policisë së qytetit kryesor të kësaj lufte po
rrëmbehej, mbetet për t'u parë. Për rrjedhojë, pak para mbylljes së
këtij shkrimi, policia po thoshte se e kishte gjetur shefin e policisë,
por, nga sa njoftohej, zoti Bërdelli ishte në gjendje të rëndë shëndetësore
në spitalin e Vlorës.
Natyrisht, për çështjet e sigurisë publike, përgjegjësia bie direkt
mbi shefin e qeverisë së Shqipërisë. Nga zyrtarë të Ministrisë së
Rendit mësohet se ministri i Rendit dhe zyrtarë të tjerë të kësaj
ministrie, kanë tentuar t'u mbushin mendjen politikanëve, që me
deklarata delirante për kontroll të situatës në Shqipëri, po e bindin
opinionin publik dhe opinionin e huaj se Shqipëria nuk ka nevojë për
ndihmë, se situata është shumë herë më e rëndë nga sa paraqitet.
Nëse policia e Vlorës kontrollohet dhe nga drejtues të PS-së,
siç thonë zyrtarë të Ministrisë së Rendit, atëherë episode të tilla si
rrëmbimi i kreut të policisë së këtij qyteti tregojnë se policia e Vlorës
dhe struktura shtetërore kanë marrë fund, ose, së paku, po kalojnë në
dorë të njerëzve të lidhur me krimin e organizuar. Kjo do të tregonte
se e gjithë ajo që po ndodh në Vlorë është pasojë e zëvendësimit të
shefit të policisë së Vlorës të caktuar prej qeverisë Meksi, me njerëz
që kanë shkatërruar pjesën e mbetur të shtetit.
Sidoqoftë, për rrjedhojë, episodi i mbrëmshëm nuk ishte gjë tjetër
veçse një luftë në rritje për kontrollin e trafikut midis njerëzve me
ngjyresa të ndryshme politike, të cilat po provojnë se policia e
Shtetit është shkrirë në një strukturë kriminale. Nga sa mësohet,
strukturat e policisë lokale në Vlorë të lidhura me segmente të PS-së
kanë vendosur që t'i shpallin luftë drejtuesve të skafeve që kanë
marrë guximin të vazhdojnë këtë aktivitet në kundërshtim me disa
urdhra të pashkruara dhe me vullnetin e disa pushtetarëve.
Faza e radhës e këtij konflikti mund të jetë edhe më e rëndë, por
populli i Vlorës, shteti shqiptar dhe i gjithë vendi kanë pak interes për
luftën e skafistëve me qeverinë, pasi çmimi i kësaj lufte është një
shtet shqiptar pa strukturë dhe në një kaos ku secili bën si i teket.
Nëse do të ketë qetësi, siç bën zhurmë propaganda e qeverisë, ajo
është e bazuar mbi forcën e një pjese të krimit të organizuar për të
shtypur një pjesë tjetër me mbështetjen e qeverisë. Osa asesi, kjo
është situata reale e këtij vendi. Edi PALOKA