Pyetje drejtuar disa ndërmarrjeve bujqësore Këshillat e kooperativave bujqësore të fshatit, skuadrat e kooperativistëve, si dhe të gjitha organizatat e frontit e të masave në fshat duhet të punojnë më mirë me mendimin e njeriut dhe të krijojnë nëpërmjet bisedës e shpjegimit, klimë të tillë që fermeri e kooperativisti të japë mendimin e vet të lirë, të hapur e me përgjegjësi për punën. Në sa rrethe e zona po zhvillohet me gjallëri debati rreth pyetjeve të shtruara nga Partia për problemet e ekonomisë bujqësore. Qëllimi ynë është të njohim nga afër mendimin e punonjësve të fshatit për mënyrat e organizimit të punës, për shpërblimin, për tokën, për bagëtinë e për shumë çështje të tjera. Në vazhdim po botojmë disa pyetje që ua drejtojmë punonjësve të këtyre ndërmarrjeve dhe fshatrave. Pyetje drejtuar kombinatit të autotraktorëve Kombinati i autotraktorëve i Elbasanit po punon për të rritur eficiencën e shfrytëzimit të mjeteve bujqësore, për të përmirësuar cilësinë e shërbimit ndaj kooperativave e ndërmarrjeve bujqësore, për të shkurtuar kohën e riparimeve e të moslënies në vend të agregateve. Ç’mendoni ju për këto masa? A ka ende pengesa burokratike në marrëdhëniet e këtij kombinati me fshatin? Si mund të bëhet më mirë lidhja e mekanikës me rezultatin përfundimtar në prodhim?

NE VALLË TË PUNËS SHIHETSI NË ZIJEN E BARKIT [?] NE IBUK [?] Mbi 3 000 të rinj e të reja në moshë shkollore e sidomos të shkollave të mesme të rrethit të Tiranës, më 4 dhjetor filluan aksionin për mbjelljen e 3 000 rrënjëve ullinj dhe 40 ha me drufrutore. Nisur nga ky fakt, veçanërisht në shkollat e mesme të kryeqytetit u zhvilluan takime të ndryshme, ku u fol për rolin e rinisë në aksionet e zhvillimit ekonomik të vendit. Në përfundim, shumë nxënës shprehën dëshirën për të marrë pjesë në aksion. Shumë të rinj, veçanërisht nga shkollat e mesme, u paraqitën në vendin e caktuar dhe me entuziazëm filluan punën për mbjelljen e ullinjve, pastrimin e parcelave dhe sistemimin e kanaleve kulluese. Aksioni po zhvillohet me ritme të mira. Të rinjtë po japin ndihmesë të vyer edhe në punë të tjera të stinës.

Në fshatin Bujan të rrethit të Tropojës organizata-bazë e Partisë, duke u mbështetur në diskutimet e zhvilluara në kolektiv dhe në qëndrimin e mirë në punë e në jetë të shokut Shkëlqim Alia, e ka propozuar atë për kandidat të Partisë. Në mbledhjen e organizatës u fol për cilësitë e tij si punëtor i mirë, i lidhur me masat, i zellshëm dhe i gatshëm për detyrat që i ngarkohen. U theksua gjithashtu se ai ka treguar shembull në disiplinë e qëndrim qytetar. Pritja do të bëhet të premten, në një ceremoni të thjeshtë ku do të marrin pjesë shokë të organizatës-bazë, të rinj e të reja dhe përfaqësues të kolektivit.

Me fjalimin e ditit e pana - POGRADEC - Takuam, në ndërmarrjen e shfrytëzimit pyjor të Pogradecit, një grup të rinjsh që vijojnë punimet e stinës në pyll. Ata na folën për synimet që kanë vënë në fillim të vitit të ri, për përmirësimin e disiplinës teknologjike, kursimin e lëndës së parë dhe rritjen e prodhimit. Shpejt, ky grup të rinjsh zuri vendin në procesin e punës. Disa prej tyre merreshin me sistemimin e lëndës drusore, të tjerë me ngarkimin e mjeteve të transportit. Ndërsa brigadieri theksonte se po hynin në vitin 1990 me ritëm e frymëzim, ai nënvizoi se rezultatet e para të janarit janë inkurajuese. Në Pogradec, si edhe në sektorë të tjerë të ekonomisë, viti i ri ka nisur me mobilizim për të realizuar detyrat e planit.

Sektori i arsimit në rrethin e Lushnjës ka ndërmarrë një varg masash për të përmirësuar punën edukative në shkolla. Në qendër të vëmendjes janë mësuesit e rinj, ndihma metodike, kontrolli i orëve mësimore dhe forcimi i lidhjes së shkollës me familjen. Nga analizat e bëra ka dalë se në disa shkolla duhet rritur përgjegjësia për përgatitjen e mësimit dhe për ndjekjen e nxënësve me rezultate të dobëta. Drejtuesit e arsimit theksojnë se puna duhet bërë me kujdes, pa formalizma dhe në bashkëpunim me organizatat e masave.

Nga kombajnerët e fermës së Cërrikut njoftohet se gjatë ditëve të para të janarit është punuar për riparimin e makinerive dhe sigurimin e pjesëve të nevojshme për fushatën e ardhshme. Janë marrë masa për sistemimin e depove të karburantit dhe për përdorimin me ekonomi të derivateve. Kolektivi i fermës thekson se përgatitjet po ecin sipas grafikut dhe se do të shfrytëzohen më mirë rezervat e brendshme.

- LIZHE - Vepra[?] e këtij viti është e mbushur edhe me sukseset e para. Në ndërmarrjen e grumbullimit të drithit, disa punëtorë po dallohen për zell e përgjegjësi. Midis tyre përmenden emra që japin shembull në realizimin e normave dhe në mbajtjen e rregullit teknologjik. Për të çuar më tej këtë frymë, drejtuesit organizojnë shpesh biseda me kolektivin, ku përcillen përvojat më të mira dhe kërkohet që punonjësit me rezultate më të larta të ndihmojnë të tjerët. (Vijon në faqen 2)

SINJALIZIM Tiranë — Në njësinë tregtare të lagjes nr. 4, qytetarët ankohen për mungesa të herëpashershme të artikujve ushqimorë dhe për vonesa në furnizim. Sipas tyre, në disa ditë mungojnë buka, vaji dhe artikuj të tjerë të domosdoshëm. Përfaqësues të tregtisë thanë se vështirësitë lidhen me transportin dhe me shpërndarjen, por banorët kërkojnë që të merren masa të menjëhershme për të shmangur përsëritjen e këtyre rasteve. (Vijon në faqen 3)

Cili është mendimi juaj? Presim përgjigje (f. 1) Mendimi ekonomik, shtrimi e tregut (f. 2) Mirë[sia?] e republikës të mbarën gjarë me kujdesje (f. 3) Nga luftë e para të vitit (f. 4)