— Shoku Ramiz Alia mbërriti në Korçë për të festuar i Majin me punonjësit e këtij rrethi — (Foto: ATSH)

Sekretari i Parë i KQ të PPSH, shoku Ramiz Alia, i cili ndodhet për vizitë pune në rrethin e Korçës, të hënën ndoqi në qytetin e Korçës një koncert të dhënë nga nxënësit dhe studentët e këtij rrethi. Në mbrëmje ai priti në takim komunistë, kuadro e specialistë të rrethit. Në këtë mjedis të ngrohtë e shoqëror u bisedua gjerësisht e çiltërsisht për problemet e zhvillimit ekonomik e shoqëror të vendit e të rrethit. Shoku Ramiz Alia u ndal te vlerësimet, që i bën Partia gjendjes në vendin tonë dhe të ardhmes sonë socialiste. Ai vuri në dukje se në asnjë rast ne nuk duhet ta nënvleftësojmë krizën ekonomike që ka përfshirë shumë vende, qoftë të Lindjes, qoftë të Perëndimit. Megjithëse kanë sisteme të ndryshme shoqërore, përsëri ato gjenden në krizë. Natyrisht, tha shoku Ramiz Alia, te ne gjërat paraqiten ndryshe. Për ne është e rëndësishme ta kemi të qartë mendimin dhe bindjen se socializmi në vendin tonë është ndërtuar mbi baza të shëndosha morale politike dhe ekonomike. Prandaj rruga e mëtejshme do të jetë për ne gjithmonë rrugë e zhvillimit pa probleme? Jo! Por ne kemi bindje të thellë se jemi në gjendje t’i kapërcejmë problemet e vështirësitë. Kjo me kusht që të mbahemi fort pas vijës së Partisë, të luftojmë kundër dukurive të huaja e të forcojmë më tej rendin e disiplinën. Atdheu ynë socialist i ka të gjitha mundësitë ta zgjidhë me forcat e veta problemin e ushqimit, strehimit, veshmbathjes, dhe me radhë të përmirësojë jetën e njerëzve. Më tej në bisedë shoku Ramiz Alia theksoi se gjatë viteve të fundit është bërë punë e madhe sidomos për të krijuar një klimë të re pune e mendimi dhe, për këtë arsye, duhen nxitur më me guxim diskutimet e lira e të hapura për çështjet që shqetësojnë njerëzit, pa e lëshuar për asnjë çast luftën kundër ideve e pikëpamjeve të huaja ndaj socializmit. Shoku Ramiz Alia theksoi se gjallërimi i jetës së brendshme të vendit, nëpërmjet debatit, shprehjes së mendimit e kritikës shoqërore, i shërben fuqizimit të socializmit dhe jo dobësimit të tij. Natyrisht në të tilla diskutime nuk ka vend për shfaqje që cenojnë moralin socialist, që nxisin anarki ose mohojnë arritjet tona. Partia jonë e konsideron me rëndësi të dorës së parë përfshirjen më të gjerë të njerëzve në qeverisjen e vendit, rritjen e përgjegjësisë së tyre dhe forcimin e kontrollit shoqëror. Në takim u fol edhe për punën e organizatave të Partisë në rreth, për gjendjen në disa sektorë ekonomikë, për përmirësimin e drejtimit, për disiplinën e punës dhe për nevojën që të gjithë të japin kontributin e tyre me ndershmëri e përkushtim. U shpreh mendimi se çdo kolektiv duhet të punojë më mirë, të kursejë, të mbrojë pronën socialistë dhe të ngrejë nivelin e shërbimit ndaj popullit.

— Nga takimi me përgjegjëse të librit në kooperativistë e Luginasit — Fshati i Bulgarecit, para se vepra e popullit bujqësor, para se veprimtaria e një qendre të vogël kulturore e organizuar me mjaft interes, është edhe një vatër e përhapjes së librave dhe e leximit. Ka tërhequr vëmendjen të paktën dhe ndihmën e specialistëve të fushës. Në qendër të fshatit, si në shumë të tjera, funksionon një bibliotekë me rreth 1500 libra. Kjo bibliotekë është pasuruar dhe me libra artistikë e politikë, me botime për bujqësinë e blegtorinë, për letërsinë dhe historinë. Ajo ka një bazë modeste materiale, por mjaft të dobishme për banorët. Në takimin e zhvilluar me përgjegjësit e librit në kooperativën e Luginasit, u fol për mënyrën si mund të gjallërohet më tej puna me librin, si mund të krijohen kushte më të mira për lexim dhe për t’i afruar botimet te njerëzit. Pati mendime të vlefshme për shtimin e fondeve, për përmirësimin e mjediseve, për organizimin e takimeve me lexuesit dhe për zgjerimin e rolit të bibliotekës në jetën kulturore të fshatit. U vu në dukje se edhe në kushte të thjeshta mund të bëhet shumë në qoftë se ka përkushtim e punë të organizuar. (Vijon në faqen 2)

NGA FJALA NË TAKIMIN ME KUADRO DHE PËRFAQËSUES TË RRETHIT Edhe në qoftë se shikojmë e analizojmë zhvillimin e botës sot, do të arrijmë në përfundimin se socializmi po u reziston tronditjeve dhe vështirësive. Ai është rruga e vetme që i siguron popujve lirinë, pavarësinë kombëtare dhe përparimin shoqëror. Përvoja jonë, gjithë vështirësitë që kalojmë, e vërtetojnë këtë. Ne nuk duhet të biem në pesimizëm dhe as të humbasim besimin te forcat tona. Në takimet e zhvilluara me kuadro e përfaqësues të ndryshëm, janë ngritur probleme që lidhen me ekonominë, me furnizimin, me disiplinën dhe me drejtimin. Janë shqetësime reale, të cilat Partia dhe shteti duhet t’i ndjekin me seriozitet. Por zgjidhja e tyre nuk vjen duke vënë në dyshim themelet e socializmit; ajo vjen duke i forcuar këto themele, duke përmirësuar metodën e punës dhe duke rritur përgjegjësinë e secilit. Nuk duhet të na trembë kritika. Përkundrazi, ajo na ndihmon të ndreqim të metat, të shohim dobësitë dhe të ecim përpara. Kritika e ndershme dhe mendimi i lirë, kur mbështeten te interesat e popullit e të atdheut, janë një forcë e madhe. Por duhet dalluar qartë kritika ndërtuese nga propaganda armiqësore dhe nga përpjekjet për të dobësuar besimin te socializmi. Partia jonë ka besim te klasa punëtore, te fshatarësia kooperativiste, te inteligjencia dhe te rinia. Në këtë njësi qëndron forca e vendit. Me këtë besim, me më shumë punë, me disiplinë dhe me drejtim më të mirë, ne do të ecim përpara. (Vijon në faqen 2)

Çdo ditë që ikën ka hedhur dritë mbi shumë prej punëve tona e po na tregon më qartë përgjegjësitë e secilit. Kërkohet më shumë punë e organizim, më shumë vëmendje ndaj njeriut dhe ndaj asaj që ai mendon. Është koha kur fjalët duhet të mbështeten nga vepra, kur veprimet të përputhen me interesat e shoqërisë e të socializmit. Në këto vite të fundit janë shfaqur dukuri e mendime të ndryshme; disa prej tyre kanë shërbyer për të hapur sytë dhe për të kuptuar më mirë se ç’duhet ndrequr, ndërsa të tjera kanë sjellë hutim e paqartësi. Prandaj kërkohet maturi, guxim qytetar dhe kthjelltësi politike. Nuk mund të ecim përpara pa diskutim, por as pa rregull e përgjegjësi. E ardhmja kërkon punë të vërtetë dhe rezultate konkrete. Shqiptarët kanë ditur të përballojnë sprova më të vështira. Me mençuri, me ndershmëri dhe me besim te forcat tona, mund të dalim më të fortë nga çdo pengesë. Kjo është kohë e mendimit, por edhe kohë e veprimit. (Vijon në faqen 2)

Synimi i Partisë është të çojë përpara ekonominë, kulturën, të rritim efektivitetin në çdo fushë, të demokratizohen më tej marrëdhëniet shoqërore dhe të nxitët roli e iniciativa e masave.