Të ruajmë e shtojmë unitetin dhe qetësinë Disa e kanë transformuar kaosin ekonomik në kaos sociale e politikë. Te kjo dukuri tërheq vëmendjen e vet edhe kryesia e Këshillit Presidencial. Në një deklaratë të saj, ajo i bën thirrje gjithë faktorëve politikë e shoqërorë të shmangin veprimet që çojnë në acarimin e situatës, të ruajnë qetësinë dhe të bashkëpunojnë për kapërcimin e vështirësive. Deklarata thekson nevojën e rivendosjes së ekuilibrit të prishur, të respektimit të ligjit dhe të ruajtjes së rendit publik. Ajo nënvizon se vendi ndodhet përballë një prove të vështirë, ndaj duhet shmangur çdo veprim që sjell përçarje, nxitje konfliktesh dhe destabilizim të mëtejshëm. Në këto kushte, forcat politike, organizatat shoqërore dhe qytetarët thirren të japin ndihmesën e tyre për të mbrojtur interesat e përgjithshme të vendit, për të ruajtur qetësinë dhe për të krijuar klimën e domosdoshme për kapërcimin e krizës.