DEKLARATË e organizatës-bazë të Partisë Socialiste të fshatit Ostarë i Vogël, Golobordë Në këtë situatë delikate dhe me përgjegjësi të madhe kombëtare e qytetare, ne anëtarët e organizatës-bazë të Partisë Socialiste të fshatit Ostarë i Vogël, rrethi i Peshkopisë, ngremë zërin tonë të protestës kundër dhunës, padrejtësive, shpifjeve dhe presioneve politike që po ushtrohen ndaj forcave të majta dhe ndaj Partisë Socialiste. Ne jemi të bindur se pluralizmi politik dhe zgjedhjet e lira janë rruga e vetme për të ardhmen demokratike të vendit, por kjo nuk mund të arrihet me kërcënime, manipulime dhe nxitje urrejtjeje. U bëjmë thirrje të gjithë qytetarëve të ruajnë qetësinë, të mos bien pre e provokimeve dhe të votojnë me ndërgjegje më 22 mars. Partia Socialiste është forcë e përgjegjshme dhe do të mbrojë interesat e popullit punonjës. (Vijon në faqen 2)