- Urat e miqësisë nuk ndërtohen me ksenofobi dhe hakmarrje - Ç'po ndodh në marrëdhëniet me Greqinë? BASHKIM ZENELI Siç do shqiptar, kam ndjekur me shumë vëmendje zhvillimet e fundit në marrëdhëniet shqiptaro-greke dhe, pa qenë specialist i diplomacisë, kam ndjekur me shqetësim deklaratat e politikanëve të vendit fqinj e, për rrjedhojë, do të më lejohet të pohoj sa më poshtë. Nuk është as mos parashikim dhe as paragjykim, po lidhet me një psikologji që i kalon caqet e normales. Konstatohet se prej një kohe të gjatë zyrtarë dhe politikanë grekë përdorin shprehje të papërshtatshme dhe pa vend ndaj vendit tonë. Së fundmi, për disa javë, vërehet një shkallëzim i luftës psikologjike kundër Shqipërisë dhe shqiptarëve, përfshirë edhe mediat. Për të mos e zgjatur me shembuj, po përmend dy të fundit. Më datën 1 korrik një e përditshme shkruante se qeveria greke i ka të gjitha mundësitë dhe mjetet për ta detyruar Shqipërinë t'i bëjë lëshime Greqisë, se gjoja Shqipëria paska vazhduar politikën e vjetër antiminoritariste etj. Mirëpo e vërteta është se, si në qeverisjen e kaluar ashtu edhe në këtë të sotmen, s'ka pasur e nuk ka kurrfarë shqetësimi për pakicën greke, përkundrazi me të drejtë është bërë problem se si qeveria greke trajton refugjatët shqiptarë. Po unë kam lexuar në të përditshmen tjetër nga Athina pyetje edhe më të pashoqe. Ato kanë të bëjnë me zbatimin e embargos së Jugosllavisë nga Shqipëria, me miqësinë shqiptaro-turke, me orientimin euro-atlantik të Shqipërisë etj. në kërkesat e tyre që i bëjnë qeverisë shqiptare për të qetësuar Athinën. Qeveria greke ka të drejtë të ketë opinionet e veta, si dhe shtypi të shprehë mendimet që dëshiron, por duke respektuar lirinë, pavarësinë, sovranitetin dhe interesat tona kombëtare, pa e ulur nivelin e tyre në propagandë fyese e kërcënuese. Po nga ç'pozita i bëhen qeverisë shqiptare disa pyetje të stilit ultimativ? Ato bëhen nga pozita të gabuara. Nuk ka asnjë problem serioz mes dy vendeve tona që të imponojë një gjuhë të tillë. Shqiptarët dhe grekët e zakonshëm kanë arsye ta dëshirojnë miqësinë dhe fqinjësinë e mirë, por kjo nuk mund të ndërtohet me tone arrogante e me hakmarrje politike. Po me kërcënimet çfarë po synohet? Të krijohet frikë? Të ushtrohet trysni ndaj institucioneve tona? Të vihet në provë durimi i refugjatëve shqiptarë në Greqi? Çdo masë administrative që i godet ata kolektivisht nuk është zgjidhje, por padrejtësi. Shqipëria është vend i vogël, por me dinjitet. Ajo nuk mund të pranojë që përmes refugjatëve të saj të ushtrohen presione politike. Kjo është e dëmshme për marrëdhëniet dypalëshe dhe i shërben vetëm qarqeve që ushqejnë ksenofobinë. Nëse ka shqetësime reale, ato zgjidhen me dialog, me mekanizma normalë diplomatikë dhe me respekt reciprok. Urat e miqësisë nuk ndërtohen me ksenofobi dhe hakmarrje. (Vijon në faqen 3)

NË SHKODËR FILLON HEDJA E TELEFONAVE Më 10 korrik në qendrën Shkodër do të fillojë hedhja e telefonave të rinj. Lajmin e deklaron për ne a e telefonike të qytetit. Sipas tij, do të vendosen 315 aparate telefonike për familje. Janë siguruar 40 linja të lira me anë të rikonstruksionit të centralit dhe do të vendosen më shumë aparate telefonike. Për ata që kanë aplikuar për telefon do të bëhet edhe një seleksionim i kujdesshëm sipas nevojave më urgjente. Punimet për vendosjen e telefonave do të bëhen nga specialistë të huaj. Me sa shihet furnizimi me telefonë këtë herë është më i madh se nevojat. Shpresohet se pas realizimit të programit të tanishëm, që vazhdon edhe për një periudhë tjetër, do të përfshihen edhe të tjerë. (Vijon në faqen 4)

Vaprímtarí Kushtruar radio “Deutsche Welle” Përmbajtësisht në këto ditë është vënë në skenë[?] vepra me protagonistë punonjësit e radio-s "Deutsche Welle", në të cilën kryeredaktori i skandalit paraqitet në rolin e akuzuesit, ndërsa viktimat në rolin e të akuzuarve. Na mbërriti një version i lajmit për të ashtuquajturin “grupi terrorist shqiptar”, për të cilin gazeta që e boton këtë shpifje nuk jep asnjë fakt. Madje as administrata e radios nuk ka paraqitur asnjë provë të besueshme. Në këto rrethana është e qartë se kemi të bëjmë me një fushatë të njëanshme e denigruese. Do të duhej që mediat serioze të mos bëheshin pjesë e përhapjes së akuzave të pabazuara. Çështje të tilla kërkojnë përgjegjësi profesionale dhe verifikim. (Vijon në faqen 5)

Sipas BBC-së, Komiteti Shqiptar i Helsinkit denoncoi në PASOK njësoj, pullimin e shtëpive me retë të theksueshme[?], ndërsa zëdhënësit e OMONIA-s reaguan duke e cilësuar këtë si një veprim të papërgjegjshëm. Gazeta greke “Elefterotipia” botoi dje se masat e ndërmarra nga policia greke kundër refugjatëve shqiptarë kanë shkaktuar zemërim dhe reagime të forta në opinionin publik. Në një deklaratë të posaçme, deputeti i PASOK-ut, Sotiris Kostopulos, kritikoi tonin e ashpër të qeverisë dhe kërkoi që të mos kriminalizohen refugjatët shqiptarë. Sipas tij, aksione të tilla përkeqësojnë marrëdhëniet mes dy vendeve dhe nxisin klimë armiqësie. Në të njëjtën frymë, edhe përfaqësues të forcave të tjera opozitare theksuan se problemet mes dy shteteve nuk zgjidhen me dëbime masive dhe me presion policor mbi emigrantët. Ata kërkuan respektim të të drejtave njerëzore dhe trajtim dinjitoz për refugjatët. (Vijon në faqen 3)

Pardje, deputetë të grupit parlamentar të PS, N. Islami, Sh. Braho, A. Malaj, A. Vuka, të shoqëruar nga ish ministri i mbrojtjes, H. Dervishi, bënë një vizitë në familjen e major Harulla Tola, të vrarë më 22 qershor në banesën e tij. Në degën e tyre, deputetët dhe ish ministri i shprehën familjarëve të H. Tolës ngushëllimet për këtë humbje të madhe dhe revoltuese, si dhe vendosmërinë e grupit parlamentar të PS, për t'u kërkuar organeve kompetente zbardhjen e shkaqeve dhe autorëve të kësaj vrasjeje makabre. Ata u shprehën se kjo është në interes të familjes, të ushtrisë dhe të zbulimit e zgjidhjes të një problemi që i ka prekur të gjithë shqiptarët. Pa dyshim do të ndikonte edhe në forcën e goditjeve eventuale të kësaj dukurie mjaft të dëmshme, në organet shtetërore. Mbas takimit familjar, në emër të grupit parlamentar të PS, deputetët braho dhe Islami i paraqitën ministrit të mbrojtjes një kërkesë zyrtare për një sqarim urgjent në lidhje me këtë ngjarje të rëndë, me pasojë tronditëse.