Shqiptarët do t'i thonë jo arbitraritetit diktatorial, jo shkeljes së ligjeve, jo padrejtësive shoqërore, jo grabitjes së pasurisë nëpërmjet pseudoprivatizimit, jo korrupsionit shtetëror, jo shkeljes së të drejtave të njeriut, jo burgosjeve politike, jo papunësisë masive dhe mungesës së shpresës - ZHVILLOHEN AKTIVE TË PARTISË SOCIALISTE NË TË GJITHA RRETHET E VENDIT -

KOLONJË Në vijim të punimeve të aktiveve të Partisë Socialiste dhe të PBDNJ-së me banorë të zonës, u theksua se projekti kushtetues nuk u shërben interesave të qytetarëve dhe të demokracisë. Pjesëmarrësit dënuan përqendrimin e pushtetit në duart e një njeriu dhe nënvizuan se një kushtetutë e tillë nuk mund të pranohet si dokument themelor i shtetit. Ata u shprehën për një kundërshtim aktiv e qytetar të referendumit dhe për forcimin e bashkëpunimit opozitar. (vijon në faqen 2)

TIRANË Partia Socialiste e konsideron të paligjshëm referendumin për kushtetutën Dr. SKËNDER GJINUSHI: Nxitimi i Berishës synon të mbajë pushtetin personal dhe e opozitës vuri në formë tipik për mbrojtjen e demokracisë Dje në Tiranë Këshilli drejtues kombëtar i Partisë Socialiste zhvilloi një mbledhje të zgjeruar kushtuar zhvillimit të aktivave të partisë në rrethe si dhe orientimit të fushatës elektorale. Në kuadër të kësaj veprimtarie dje filluan aktivat në Tiranë, Sarandë, Vlorë, Fier, Elbasan, Shkodër e Lezhë. Kryetari i Partisë Socialiste, dr. Skënder Gjinushi, pasi analizoi pozitat që po mban, sidomos këto ditët e fundit, opozita në procesin e hartimit dhe aprovimit të projektkushtetutës, tha se është tradicionale për partitë e djathta të përdorin referendumin për të mbuluar mungesën e konsensusit politik dhe për t'i imponuar shoqërisë një akt që prek thellë themelet e jetës së vendit. Sipas zotit Gjinushi, mënyra e referendare dhe mbajtja e tij në një periudhë të tillë politike, me një parlament monist dhe me një opinion publik të manipuluar nga kontrolli qeveritar mbi mjetet e informacionit, përbën një akt të njëanshëm e antidemokratik. Ai vuri në dukje se referendumi po përdoret si alibi për të shmangur përgjegjësinë politike të shumicës dhe se kushtetuta nuk mund të jetë produkt i imponimit, por i mirëkuptimit shoqëror e politik. (vijon në faqen 2)

- Nga fjala e zëvendëskryetarit të PS-së dr. Servet Pëllumbi - Situata politike që po ndodh, në këto kushte, është e tillë që i shërben vetëm interesave të një pakice në pushtet dhe jo interesave të vendit. Projekti kushtetues nuk garanton as ndarjen e pushteteve, as liritë e qytetarëve, as kontrollin demokratik mbi qeverisjen. Në kushtet e mungesës së dialogut të vërtetë politik, një referendum i tillë nuk mund të jetë zgjidhje, por përkundrazi burim i tensioneve të reja. Opozita kërkon një kushtetutë me konsensus, një shtet ligjor dhe institucione të pavarura. (vijon në faqen 2)

VLORË Ilia META: Në ditët e referendumit populli shqiptar do të shprehë në mënyrë plebishitare dështimin e Sali Berishës VLORË Pavarësisht nga programet politike shqiptarët do t'i thonë jo një diktature të re Ilia META: Në ditët e referendumit populli shqiptar do të shprehë në mënyrë plebishitare dështimin e Sali Berishës Në mbledhjen e zgjeruar të Partisë Socialiste në Vlorë u theksua nevoja e një fronti të gjerë qytetar kundër projektit kushtetues. Folësit vunë në dukje se pavarësisht bindjeve politike, qytetarët do të votojnë kundër një përqendrimi të ri autoritar të pushtetit. Ilia Meta tha se referendumi do të kthehet në një gjykim popullor ndaj qeverisjes së deritanishme dhe se rezultati do të tregojë humbjen e besimit tek Sali Berisha. (vijon në faqen 2)

GJIROKASTËR Banorë, anëtarë e simpatizantë të Partisë Socialiste e të forcave të tjera opozitare u shprehën se rruga më e drejtë është pjesëmarrja në votim dhe kundërshtimi i projektit në kutinë e votimit. Sipas diskutuesve, mospjesëmarrja do t'i linte dorë të lirë pushtetit për manipulim, ndërsa vota kundër do të shprehte vullnetin e qytetarëve dhe pakënaqësinë ndaj kursit të ndjekur. (vijon në faqen 2)