Departamenti Amerikan i shtetit dënon ndërhyrjen e Qeverisë Shqiptare në pushtetin gjyqësor
Dje në adresë të Partisë Socialiste në Tiranë mbërriti një faks nga Uashingtoni, në të cilin bëhet i njohur shqetësimi i Departamentit Amerikan të Shtetit për ngjarjet e fundit në Shqipëri, të cilat kanë cenuar rëndë pavarësinë e pushtetit të drejtësisë nga pushteti politik i qeverisë shqiptare. Vlerësimi i fundit i Departamentit Amerikan të Shtetit vjen në vazhdim të kërkesës që presidenti Klinton i bëri S. Berisha për forcimin e pavarësisë institucionale dhe politike të sistemit gjyqësor. Partia Socialiste e ka vlerësuar shumë këtë kërkesë të presidentit Klinton dhe të administratës amerikane, sepse është e bindur që pa pavarësi të sistemit gjyqësor nuk mund të ndërtohet shteti i së drejtës.
“Më 25 shtator, në demarshe paralele në Tiranë dhe Uashington, SHBA i shprehu autoriteteve shqiptare shqetësimin e saj të thellë lidhur me largimin e detyruar nga detyra e Kryetarit të Gjykatës së Kasacionit, Zef Brozi.
Ndonëse autoritetet shqiptare pretendojnë se ka patur një bazë ligjore për largimin nga detyra të Zef Brozit, vendimi për largimin e tij duket qartë se është marrë kryesisht për shkaqe politike dhe ai përfaqëson ndërhyrje të padrejtë në degën e gjyqësorit nga ana e qeverisë.
Ne i bëjmë thirrje qeverisë shqiptare për të ndërmarrë veprime nëpërmjet miratimit të legjislacionit të nevojshëm për sigurimin e pavarësisë së gjyqësorit nga degët e tjera të qeverisë”.
Me hollësisht lexoni ne faqen 3
Fotot tregojnë Bill Clinton, një zyrtar në podium, Zef Brozi dhe një tjetër portret mashkulli[?].