Aktivitete intensive te Socialisteve ne te gjitha rrethet e vendit Socialistët fillojnë sot fushatën paraelektorale në kryeqytet. Gjithçka është shpallur dje në mbledhjen zyrtarisht me aktivin e zgjeruar të socialisteve tiranas të mbledhur në Selinë qendrore të PS-së. “Nesër fillon realizimi praktik i aksionit më të rëndësishëm politik paraelektoral. Në sallën e madhe të Akademisë së Arteve deputetë e këshilltarë socialistë do të bashkëbisedojnë me elektoratin e zonës nr.3” - tha dje para forumit më të lartë lokal të socialistëve kryetari Musa Ulqini. “Më tej 23 takime të këtij lloji, në të gjitha sallat e mundshme të kryeqytetit për 1 muaj 24 këshilla zonale do të organizojnë takime të hapura të elektoratit me deputetë e këshilltarë socialistë” - vijoi më tej Ulqini. Kryetari i PS së kryeqytetit i motivoi të gjitha këto veprime me një objektiv: Fitoren e PS në kryeqytet. “Kjo është kryefjala e punës sonë, nuk është slogan politik e propagandistik për një realitet i mundshëm” - tha Ulqini. “Ne jemi të bindur se do të fitojmë më shumë se 50 % të votave në kryeqytet” - vijoi kryetari i PS-së së Tiranës i cili bindjen e tij e mbështeti me argumenta - shifra: -Më 22 Mars ne morrëm vetëm 22 % -Më 26 Korrik arritëm në 30,1 % -Në Shtator 93, 31 mijë kryeqytetas nënshkruan peticionin për lirimin e Fatos Nanos. -Në referendumin e Nëntorit socialistët u përballën pothuajse vetëm me PD-në dhe “JO”-ja ishte 49,6 % ndërkaq 10.000 qytetarë nuk u regjistruan. -Anketimi i bërë këto ditë jep shifrën 53,4 % për PS-në. (vijon ne faqen 3)

Nga 6-8 Tetor në Bommersvick të Suedisë u zhvillua mbledhja e Byrosë së Rinisë Socialiste të Bashkimit Europian. Në këtë mbledhje u diskutua edhe situata në Shqipëri. Drejtuesit e Rinisë Socialiste të Bashkimit Europian dënuan për shkallëzimin e veprimeve antidemokratike ndaj opozitës dhe sidomos ligjin kundër genocidit i cili synon në eliminimin nga jeta politike të drejtuesve të opozitës. Po kështu u dënuan veprimet e fundit ndaj Gjykatës së Lartë, të cilat synojnë bllokimin e çështjes Nano deri para zgjedhjeve të përgjithshme. Zëdhënësi i FRESSH

Dje u zhvillua mbledhja e kryesisë së FRESSH-it në drejtimin e kryetarit të FRESSH-it Ilir Meta. Në këtë mbledhje merrte pjesë edhe kryetari i Komisionit të Arsimit të PSSH Prof. Dr. Ethem Ruka. Çështja kryesore që u diskutua ishte organizimi i Konferencës së Dytë Studentore të FRESSH-it. Kryesia e FRESSH-it vendosi të thërrasë Konferencën e Dytë Kombëtare Studentore të FRESSH-it. Po kështu u miratuan tezat kryesore për diskutim në këtë Konferencë si edhe Komisioni Organizator me përfaqësues nga të gjitha Universitetet e vendit. Zëdhënësi i FRESSH-it

Filloi punimet Unioni Ndërparlamentar Botëror -Mbi tregind faqe dokumenta që vërtetojnë implikimin e të gjitha strukturave shtetërore në mbajtjen e mëtejshme në burg të Fatos Nanos Lexoni ne faqen 6

Nga data 3-5 Tetor u zhvillua në Vjenë Kongresi i 34-të i Partisë Socialdemokrate të Austrisë. Me ftesë të PSD të Austrisë në këtë kongres mori pjesë Nënkryetari i PSSH Ilir Meta. Gjatë qëndrimit në Vjenë Nënkryetari i PSSH Ilir Meta u prit në takime të veçanta nga z. Pjetër Shider, President i Grupit Socialist në Asamblenë Parlamentare të Këshillit të Europës, i cili dënoi zhvillimet e fundit politike në Shqipëri dhe përpjekjet që bëhen për eliminimin e opozitës, dhe moslirimin e Kryetarit të PSSH Fatos Nano. Z. Pjetër Shider shprehu Nënkryetarit të PSSH Ilir Meta solidaritetin e tij dhe të grupit socialist për opozitën, PSSH dhe kryetarin e saj Fatos Nano. Po kështu Ilir Meta, zhvilloi takime të veçanta me z. Alfred Gusenbauer, zëvendëspresident i Internacionales Socialiste, z. Ramon Obids zëvendëspresident i Partisë Socialiste të Europës, z. Bo Toresson Sekretar i Përgjithshëm i Forumit Europian për Demokraci e Solidaritet etj. Gjatë qëndrimit në Vjenë, Nënkryetari i PSSH Ilir Meta zhvilloi takime edhe me përfaqësitë e akredituar në Vjenë dhe në Organizatën e Kombeve të Bashkuara. Po kështu Nënkryetari i PSSH dhe i FRESSH Ilir Meta bëri një vizitë në Selinë e Internacionales së Rinisë Socialiste ku u prit nga Sekretari i saj i Përgjithshëm Alfredo Lazzereti. Zyra e Shtypit dhe Informacionit e Partisë Socialiste

“Ne jemi të bindur se do të fitojmë më shumë se 50 % të votave në kryeqytet -Më 22 Mars ne morrëm vetëm 22 % -Më 26 Korrik arritëm në 30,1 % - Në Shtator 93, 31 mijë kryeqytetas nënshkruan peticionin për lirimin e Fatos Nanos. -Në referendumin e Nëntorit socialistët u përballën pothuajse vetëm me PD-në dhe “JO”-ja ishte 49,6 % ndërkaq 10.000 qytetarë nuk u regjistruan. -Anketimi i bërë këto ditë jep shifrën 53,4 % për PS-në”

Faqe 4 Interviste me Prof. Dr. Aristotel Pano

Mbledhja e Komitetit të Përgjithshëm Drejtues të PSSH do të zhvillohet ditën e martë me datë 17 tetor 1995, ora 10 me rend dite: “Konkretizimi i detyrave për fushatën e ardhshme elektorale dhe masat për përgatitjen e Kongresit paraelektoral të Partisë”. Kryesia e PSSH