Parlamenti shqiptar ngre zërin kundër arrestimit të krerëve të Universitetit të Tetovës Për herë të parë një institucion politik shqiptar dënon veprimin e qeverisë maqedone për të dënuar drejtuesit e Universitetit të Tetovës. Prej kohësh qëndrimet diskriminuese të qeverisë maqedone ndaj shqiptarëve që jetojnë atje, duke u mohuar edhe një të drejtë të tillë si ajo për t'u arsimuar në gjuhën amtare kishin ngjallur shqetësime dhe indinjatë në qarqet politike shqiptare, këtej dhe andej kufirit. Për më tepër ajo që të habiste ishte edhe qëndrimet pasive të Tiranës zyrtare, e cila ngrinte të dënuante hapur qëndrime të tilla anakronike të Shkupit, i cili përsa i përket shqiptarëve vazhdon të mbajë gjallë frymën e burgosjeve politike të periudhës së komunizmit. Gjithashtu, qarqet zyrtare shqiptare nuk kanë bërë përpjekjet e nevojshme edhe pranë institucioneve ndërkombëtare për të kërkuar mbështetjen e tyre në mbrojtje të të drejtave të shqiptarëve. Në këtë mënyrë, shqiptarët e maqedonisë janë ndjerë të tradhtuar duke mos pasur përkrahje konkrete nga pushteti aktual. Partia Republikane, nga ana e saj, jo vetëm ka shprehur solidaritetin e saj lidhur me kërkesat e drejta të shqiptarëve të Maqedonisë, por ka denoncuar edhe pasivitetin e qeverisë shqiptare ndaj shkeljeve të njëpasnjëshme të të drejtave të shqiptarëve nga pushteti maqedon. Rezoluta e parlamentit shqiptar e miratuar dje, në të cilën dënohen arrestimet e rektorit të Universitetit të Tetovës, zotit Fadil Sulejmani dhe kryetarit të Senatit të këtij universiteti, zotit Milaim Fejziu duhet vlerësuar si një hap shumë i rëndësishëm lidhur me qëndrimet politike të Tiranës zyrtare lidhur me problemin e shqiptarëve të Maqedonisë. Tani tutje shkupi duhet ta ketë të qartë se çështja e Tiranës zyrtare, sipas se cilës "marrëdhëniet maqedono-shqiptare do të varen edhe nga ngëdhëqitimi i pushtetit maqedon ndaj shqiptarëve të Maqedonisë" është një diçka e prekshme, konkrete. Por, ka shumë rëndësi që ky hap ndërmerret nga parlamenti ynë dhe nga parlamentet dhe qeveritë e tjera të ngjashme edhe nga qeveria dhe parlamenti shqiptar, ndaj dhe zë të vlerës si institucioni i parë që e ka kuptuar se të drejtat e qeverive janë të lidhura fort me parimet që do të mbrojnë veprimet e tyre kundër shqiptarëve në Maqedoni. Në të gjitha këto, zëri i shqiptarëve duhet të kristalizohet, gjë që e ka munguar deri tani.