Selami: “Meksi në vendin tim” dhe pasi kritikoi Qeverinë Këshilli nuk pranon propozimin Lideri i PD ofroi dorëheqjen e propozon: Kryeministri të jetë edhe kryetar i partisë Bertila Shaqja Sheshi më i njohur- ndryshe Sediani: “Qeveria s’ka respektuar parinë për reformat” Kryesia e vendit, qeveria, shumica parlamentare dhe forumet drejtuese të PD i kanë zhvilluar dje deri në orët e vona përpjekjet për të frenuar një krizë që u bë publike me dorëheqjen e kryetarit të partisë Eduard Selami. Këshilli Kombëtar i Partisë Demokratike, i mbledhur pasdite në Pallatin e Kongreseve, vendosi me shumicë votash të mos pranojë dorëheqjen e zotit Selami nga posti i kryetarit të PD-së. Selami, që prej pasdites së djeshme ndodhej në takim me Presidentin Berisha, iu drejtua Këshillit me propozimin që kryetari i PD dhe kryeministri të jenë i njëjti person, duke sugjeruar emrin e Aleksandër Meksit. Por këshilli nuk e pranoi këtë propozim. TIRANË - “Pana duhet thënë se zoti Meksi ka bërë mrekullira, pavarësisht problemeve që ka patur qeveria. Dhe në qoftë se ka një njeri në këtë parti që do ta bënte më mirë punën e kryetarit, ai është Meksi”. Kështu është shprehur dje për “GS” kryetari i dorëhequr i partisë demokratike Eduard Selami në hyrje të mbledhjes së Këshillit Kombëtar. Këshilli Kombëtar në një mbledhje të jashtëzakonshme në orët e pasdites ka diskutuar rreth kërkesës për dorëheqje të z. Selami nga detyra e kryetarit të partisë. Në fjalën e tij hyrëse zoti Selami pasi ka shpjeguar dorëheqjen nga posti i kryetarit ka folur dhe për një “riintegrim” të forcave politike që sipas tij është i nevojshëm. “Qeveria ka patur mungesë të koordinimit me partinë. Për të parandaluar kontradiktat mes tyre duhet bërë bashkimi i postit të kryetarit të partisë me atë të kryeministrit” - është shprehur Selami. Më pas ai ka shtuar se “Aleksandër Meksi është njeriu më i përshtatshëm për të kryer të dyja funksionet”. Në diskutimet e mëvonshme shumë anëtarë të Këshillit kanë kundërshtuar këtë ide, duke mbështetur vijimin e Selamit në krye të partisë. Në fund të mbledhjes, këshilli nuk e ka pranuar dorëheqjen. Vijon në faqen 4 Aleksandër Meksi; Eduard Selami