Nga gjyqi i pesë minoritarëve: Jepet pretenca 8 grekë, të udhëhequr nga Sebastian(os), kërkohet të shpallen persona “non grata” -Kërkohet Gjyqi i Hagës -8 grekë, të udhëhequr nga Sebastianos, kërkohet të shpallen persona “non grata” -Kërkohet Gjyqi i Hagës faqe 3-4

Pas “OMONIA”-s: Më në fund pas 26 muajve në qeli, rindizet drita jeshile edhe për Sulo Gradecin. Dhe është pikërisht afrimi i fundit të procesit “Omonia”, që do t’ja lerë të lirë rrugën gjykimit të çështjes së tij. “Gjyqi i Sulo Gradecit konfirmojnë në Gjykatën Ushtarake të Tiranës, do të zhvillohet fill pas përfundimit të procesit “Omonia”. Sigurisht, dita e gjykimit të adjutantit të Hoxhës nuk u saktësua pasi kjo kushtëzohet nga fati gjyqësor i 5 drejtuesve të Omonias, proces i cili ka pezulluar për javë me radhë aktivitetin e Gjykatës së Tiranës. Gradeci ka kaluar një odise të vërtetë e cila fillon para arrestimit të tij 2 vjet më parë, më 8 korrik 1992. Prokuroria e Tiranës kish aplikuar fillimisht për të arrestin shtëpiak, pastaj masa e sigurimit ishte zbutur “në detyrim për moslargim”, për të përfunduar më pas në burgun e Tiranës i akuzuar për shpërdorim detyre dhe vjedhje. Dhe sipas Përparim Sanxhaku- avokatit më të vlerësuar në Shqipëri i cili do të mbrojë në gjyq të pandehurin - në një konfirmim dhënë “K.J.” pak kohë më parë, me Gradecin janë marrë 3 hetuesa duke e pyetur gjithsej 2-3 herë. Është Gjykata Ushtarake e Tiranës e cila këtë herë ka fatin të gjykojë njërin prej bashkëpunëtorëve më të afërm të diktatorit. Në fillim të korrikut ishte caktuar dita e parë e këtij procesi gjyqësor, por u shty për më vonë, pasi sipas Fatmira Laskut, kryetarja që kryeson trupin gjykues, dosjen “Gradeci” e kishte marrë vetëm 24 orë më parë dhe nuk kishte mundur ta studionte. Por dalja në skenë e procesit të “të 5-tëve” eklipsoi çështjen e Gradecit. Sidoqoftë menjëherë pas përfundimit të tij, Gjykata Ushtarake e Tiranës do të fillojë gjykimin ndaj ish-oficerit personal nr. 1 të Hoxhës. ZAMIR DULE

Intervistë me z.Kurt Kola, Kryetar i Shoqatës Kombëtare të të Dënuarve dhe të Persekutuarve Politikë të Shqipërisë faqe 4

Oficerë të Policisë Kriminale shoqërojnë botet matanë kufirit faqe 2

Qeverisë i mungoi guximi dhe sensi i drejtësisë për pranimin publik të fajit Intervistë me Z.Todi Lubonja faqe 5