DEKLARON KRYEMINISTRI I TURQISË TANSU ÇILLER Shqipëria dhe Turqia kanë vendosur marrëdhënie shumë të mira me njëra-tjetrën, pasi qeveritë respektive kanë vendosur një vijë politike shumë bashkëkohore dhe demokratike. Situata në Shqipëri paraqitet e tillë që të ketë nevojë për shumë ndihmë. Ajo ka nevojë për kapital të huaj në të ardhmen dhe, ndoshta, më shumë se çdo vend tjetër ne i ndjejmë nevojat e saj dhe duam të ndihmojmë. Pasi sot është takimi ynë i parë me qeverinë e zotit Meksi ne u njohëm me problemet dhe nevojat e Shqipërisë dhe vumë piketa të reja për një bashkëpunim edhe më të frytshëm. Shqipëria do të jetë urë miqësie dhe bashkëpunimi ndërmjet Evropës dhe botës islamike. Shqipëria është një vend i mrekullueshëm dhe ne e vlerësojmë dhe e duam shumë. AD

Përshtatur për "D" nga Malteu Camon (Material i nxjerrë nga Demokracia) Rruga e Demokracisë Partia demokratike e drejtuar nga z. Sali Berisha, sigurisht ka qenë e pakënaqur nga gjendja në të cilën është dorëzuar Shqipëria. Kjo e ka shtyrë të operojë një sërë ndryshimesh dhe zgjedhjesh të rëndësishme për të organizuar qeverinë e vendit duke iu përshtatur gjithë botës jo marksiste. Ka ndryshuar monedhën që tani është e bazuar në sistemin decimial. Janë krijuar bursat dhe është vënë në qarkullim një monedhë e re. Këto janë të gjitha argumente konkrete që provojnë se qeveria e zotit Berisha e ka mbyllur me të kaluarën marksiste. Janë krijuar asistenca bankare dhe po bëhen pagesa të rregullta, nëpërmjet bankave të shëndosha, që ndihmojnë tregtinë. Janë vënë themelet për rikonstruksionin e organizimit statal, i cili deri tani ka qenë i ngatërruar në miliona vështirësi. Ajo që po bëhet është shumë e rëndësishme, por mendoj se problemi kryesor i Shqipërisë është mungesa e njerëzve që dinë të bëjnë punën. Njerëzit e rinj kanë vullnet të madh dhe zell të admirueshëm, por shpeshherë u mungon përvoja. Kështu Shqipëria është sot si një çantier i hapur. Të bëjmë urimet më të mira që ky çantier të ketë sukses. Në qoftë se është e vërtetë se mbi Shqipërinë kanë shkruar që bota është e detyruar t'i japë dhe jo të marrë, unë mendoj se është e nevojshme që sa më shpejt ky vend të jetë në gjendje të japë sepse në këtë mënyrë mund të ngrihet me dinjitet të plotë. Ndihma e dhënë nga perëndimi mund ta ndihmojë shumë Shqipërinë, por problemi kryesor është zhvillimi i dinjitetit kombëtar të shqiptarëve. Vetë shqiptarët e rinj janë shumë të gjallë dhe të zgjuar. Kanë vullnetin për të punuar dhe janë popull që nuk i trembet rrugës së vështirë. Mendoj se kjo është gjëja më e bukur që mund të shihet në këtë vend. Kam përshtypjen se është populli i vetëm në botë i cili nuk kërkon para, por kërkon mundësi për të punuar. Kjo është gjeja më e bukur. Është e pabesueshme sa shumë ka vuajtur ky popull. Megjithatë ai ka ruajtur një krenari dhe fisnikëri që të lënë pa mend. Ne duhet ta ndihmojmë Shqipërinë, por pa ia vrarë krenarinë. Ky është kushti i parë i suksesit. Shqipëria ka nevojë për miq, jo për tutorë.

(Vijon nga faqja 2) MALËSIA Të shtunën më 28.11.1992 pllani i zgjeruar i KPD të Malësisë së Madhe zhvilloi mbledhjen me këtë rend dite: 1) Analizë e punës vjetore të kryesisë së KPD. 2) Zgjedhja e kryesisë së re. Në pllenumin që zgjati rreth 5 orë u diskutua për punën e deritanishme të kryesisë dhe të PD së rrethit. Në diskutimet e tyre delegatët vunë në dukje disa nga të metat e kryesisë aktuale siç ishin mungesa e përgjegjësisë në drejtim, shkeljet e statutit të partisë, mungesa e kolegjialitetit etj. Kryetari i KPD Ndue Pjepali tha se aktualisht në rrethin tonë veprojnë 7 grupseksione me 1290 antarë. Gjatë mandatit njëvjeçar të kryesisë së shkarkuar janë larguar 64 antarë kryesisht intelektualë për shkak të mungesës së konceptimit të demokracisë nga ana e kryesisë. Për sa i takon zgjedhjeve të reja nga gjithsej 38 kandidatë për kryesinë e re fituan 15 kandidatë. Për kryetar të degës së PD u zgjodh z. Martin Çuni me 52 vota pro kundrejt 29 votave që mori kandidati i dytë z. Ndoc Nika. Ndërkohë në mbledhje morën pjesë dhe përshëndetën pllenumin kryetari i nënseksionit të PD për Nju Jorkun z. Pjetër Kolja si dhe z. Arben Imami deputet i PD për rrethin. (ATSH)

Dje në mbrëmje ka patur një takim midis përfaqësuesve të Partisë Demokratike dhe përfaqësuesve të Aleancës Demokratike. Gjatë takimit është diskutuar rreth një bashkëpunimi të mundshëm midis dy forcave politike në kuadrin e zgjedhjeve të ardhshme vendore. Nga pala e PD-së kanë marrë pjesë z. Azem Hajdari dhe z. Kastriot Islami, ndërsa nga pala e AD-së z. Neritan Ceka e z. Preç Zogaj. Në përfundim të takimit palët kanë shprehur gatishmërinë për vazhdimin e bisedimeve. (Vijon nga faqja 2)

Përfaqësuesit shqiptarë në Düsseldorf të Gjermanisë, z. Nehat Kulla, z. Ylber Gjika dhe z. Bilal Xhaferri, vlerësuan lart ndihmën e vazhdueshme që shoqata e miqësisë shqiptaro-gjermane ka dhënë për shqiptarët e ardhur në Gjermani. Ata falënderuan drejtuesit e kësaj shoqate për interesimin e tyre të vazhdueshëm dhe për përkrahjen konkrete. (ATSH) (Vijon në faqen 5)

I nderuar redaksi, Për përgënjeshtrimin e lajmit të botuar nga ana juaj në gazetën tuaj të datës 29.11.1992 me titullin “Mblidhet kryesia e shoqatës së ish-të përndjekurve politikë”, ju vëmë në dijeni se kryesia e kësaj shoqate përbëhet nga këta antarë: kryetar z. Halit Shamata, nënkryetar z. Sherif Merdani, sekretar z. Kujtim Çeliku, anëtarë z. Muntaz Dhrami, z. Bilal Xhaferri, z. Mersin Vërvori. Mbledhjen e datës 28.11.1992 nuk e ka zhvilluar kryesia e shoqatës, por një grup i vogël individësh të cilët nuk përfaqësojnë shumicën e anëtarësisë. Për rrjedhojë çdo vendim i marrë prej tyre nuk ka asnjë vlerë statutore. Ju lutemi të përgënjeshtroni lajmin e botuar dhe të publikoni këtë sqarim në gazetën tuaj. Me respekt, Kryesia e Shoqatës së Ish të Përndjekurve Politikë. (Vijon në faqen 5)

Është një nga dukuritë e shëmtuara të realitetit tonë shqiptar e cila për fat të keq vazhdon të jetë ende prezentë për shkak të pafuqisë sonë ekonomike dhe mungesës së një sistemi të qartë ligjor. Për problemet që kanë dalë nga ky fenomen janë shprehur mjaft juristë dhe specialistë të ekonomisë. Megjithatë ato vazhdojnë të mbeten të pazgjidhura. ... [?]

NUSTRA ABONAMENTI KALENDARIK LUXE E CAVATIS TË NDRYSHME