Raporti i “Mjaft” për buxhetet qeveritare 2006-2010: Çfarë premtoi dhe nuk dha “Berisha” SEKRETET E ARKËS SË QEVERISË Rrogat dhe pensionet, ja fondet e munguara Financimet e shkurtuara për ish-pronarët, të papunët dhe ish-të përndjekurit para dhe pas zgjedhjeve parlamentare. Monitorimi: Si spekulon qeveria me taksat dhe të ardhurat Lajmi Qeveria shqiptare e ka përdorur buxhetin e shtetit, si një karrotë për të gënjyer shtresat në nevojë, para zgjedhjeve parlamentare. Sipas raportit të “Mjaft”, për të përndjekurit, ish-pronarët, apo të papunët qeveria premtoi fonde, të cilat i reduktoi pas zgjedhjeve TIRANË ARBEN ROZHANI Nga viti i parë fiskal, pas ardhjes në pushtet në 2005 dhe deri më sot, qeveritë e kryeministrit Berisha kanë premtuar gjerë të parealizueshme, me synimin e qartë për të fituar votat, gjatë fushatave elektorale dhe më pas nuk u ka dhënë shtresave më në nevojë fondet e premtuara, siç del edhe nga raporti “Monitorimi Publik i Ministrive 2009-2010”, i hartuar nga lëvizja “Mjaft”, ku është analizuar buxheti i shtetit, mënyra e hartimit dhe zbatimit të tij. Shqetësimi kryesor mbi buxhetin e shtetit është përdorimi i tij në mënyrë të ndryshme nga premtimet elektorale. P.sh. kompensimi në vlerë i ish-të përndjekurve politikë dhe ish-pronarëve është një premtim i fortë i qeverisë para zgjedhjeve të vitit 2009. Qeveria akordoi 1 miliardë lekë në vitin 2008 për kompensimin e ish-të përndjekurve politikë, e dyfishoi këtë në vitin 2009 kur qenë zgjedhjet dhe e reduktoi sërish në nivelin e vitit 2008 në vitin pasardhës. E njëjta gjë ndodhur edhe me fondet për ish-pronarët, të cilëve iu akordua 500 milionë lekë që nuk u shpërndanë në vitin 2008, ndërsa plani u tejkalua me tre herë në vitin 2009 dhe më pas në vitin 2010. Fondet për ish-pronarët në vitin 2010 u shpenzuan të gjitha në muajt gusht dhe tetor, ndërkohë që fushata... Në foto: Kryeministri Sali Berisha gjatë fushatës elektorale të vitit 2005 vijon në faqen 2 Në foto: Kryeministri Sali Berisha gjatë fushatës elektorale të vitit 2005

Editorial NGA GENC KONDI Shfryrja e modelit “dyshifror” Kryeministri Berisha ka dy vjet që po bën përpjekje mbinjerëzore për të mbrojtur një të ashtuquajtur model ekonomik, të adoptuar nga qeveria e tij, i cili nuk mund të sillete gjë tjetër, veç suksesit. Në fakt, modeli është i thjeshtë: merr borxhe masive, investoji dhe do të kesh rritje masive, shoqëruar me uljen e taksave për ata që fitojnë më shumë. Kjo skemë u adoptua kur parametrat ekonomikë të vendit ishin të stabilizuar dhe nuk dukej se shenja krize në horizont. Kur deficiti buxhetor arriti në afro 8 % të PBB-së dhe plasi kriza botërore, që nuk e planifikoi ndonjë nga teoricienët e PD-së, për të marrë masa mbrojtëse, u duk se modeli, që është përdorur edhe në vendet të tjera, po shfryn nga të katër anët. Interesat e borxhit po rëndohen, ndërkohë që të ardhurat buxhetore korrigjohen tri herë brenda vitit, në ulje. Qeveria nuk ka para të mjaftueshme për të paguar ndërtuesit për rrugët e kontraktuara, nuk zbaton dot 2% të PBB-së shpenzime për mbrojtjen, nuk gjen dot fonde për kredi për të importuar energjinë. Nuk paguhen dot faturat e ish-të përndjekurve, ish-pronarëve. Konsumi i popullatës, sipas INSTAT-it, ka rënë më shumë se 6 për qind. Kur nuk ka më para në Buxhet as për një gjysmagjel për pensionistët, por ka për të ndërtuar një Kuvend të ri, apo një Pallat Drejtësie, që nuk janë investime prodhuese, nuk mund të thuhet më se modeli ekonomik po drejtohet me largpamësi nga qeveria. Ky model që nisi me pretendimin e rritjes dyshifrore, po zhytet në sikletin prej struci, të fshehjes së shifrave të PBB-së. ...nuk mund të thuhet më se modeli ekonomik po drejtohet me largpamësi nga qeveria...

EKSKLUZIVE Për herë të parë dokumenti i arkivave ruse: Si u dha informacioni në 1949 Diversantët, KGB lajmëroi Mehmet Shehun VLADIMIR BREGU Autoritetet shqiptare kanë qënë lajmëruar drejtpërdrejt nga sovjetikët për hedhjen e diversantëve nga ajri në territorin e vendit më 1949, madje duke u informuar edhe për datën e zbarkimit. Kjo del, për herë të parë publikisht, nga dokumenta të zbuluara në arkivin e KGB-së sovjetike... vijon në faqen 10-11

SHKENCËTARI MES FLETERRUFEVE Revolta e Selman Rizës: Marksizmi s'mund të zbatohet në gjuhësi

Suplementi “RILINDASI”/ Dueli mes Çabejt e Rizës Faqe 13-20 Nasho Jorgaqi: Shkencëtari Riza, sulmet me fletërrufe

Faqe 6-7 Plani top-sekret për Dajtin si u çuan policët në aksion

Faqe 8 ERE: Kontrata e re, CEZ do të paguajë kamatë, askush pa sahat

... gjithmonë një hap përpara... Erëza dhe fruta të thata Adresa: Autostrada Tiranë- Durrës, km. 7, Yzberish Tiranë; Tel: 042 406 500; 042 406 501; Fax 042 406 502; e-mail: neranxi@neranxi.com; www.neranxi.com