MË PËRGJEGJËSI TË LARTË QYTETARE PËR KOMITETI QENDROR TË PPSH KOMITETI QENDROR TE PPSH TIRANË Në emër të anëtarëve të familjeve të punonjësve të minierës së qymyrgurit të Prrenjasit pohojmë me këtë telegram se jemi të vetëdijshëm për rrezikun që i kanoset vendit tonë, socializmit, atdheut tonë e familjeve tona. Ne shkruajmë të shqetësuar jo vetëm për veten e fëmijët tanë por për mbarë popullin e atdheun tonë. Ne jemi me vijën marksiste-leniniste të Partisë së Punës të Shqipërisë sepse ajo është për ne rruga e vetme që e nxjerr Shqipërinë nga gjendja e vështirë ekonomike. Kush ngrihet kundër vijës së partisë e socializmit, ngrihet kundër interesave të Shqipërisë. Ne dënojmë veprimet e shëmtuara të 20 shkurtit[?] dhe të atyre që kërkojnë përmbysjen e pushtetit popullor. U bëjmë thirrje grave, nënave e motrave të punëtorëve të minierave, të ngrihen në mbrojtje të rendit, qetësisë e të ardhmes së fëmijëve tanë. PËRFAQËSUESET E GRAVE TË MINATORËVE TË MINIERËS SË PRRENJASIT

Bashkë, pranë njëri-tjetrit, forca e anëtarëve të kolektivit tonë me organizatën e tyre bazë dhe me organizatën e Bashkimeve Profesionale, të rinisë dhe grave si edhe me inteligjencien përbën një radhë të pathyeshme për mbrojtjen e socializmit dhe të atdheut. Të gjithë bashkë kundër revizionizmit dhe kundër kujtdo që kërkon ta çojë vendin drejt anarkisë, rrëmujës e kaosit. Ne jemi të bindur se me Partinë e Punës të Shqipërisë dhe me shokun Ramiz Alia në krye, vendi do të dalë nga vështirësitë dhe do të ecë përpara. ORGANIZATA PROFESIONALE E STACIONIT TË PUNËS SË MAKINAVE E STACIONEVE TË PLOTRANAJVE TË SHOQËRISË SË NDËRTIMIT TIRANË, më 21.1.1991

Për të drejten e grevës Për të drejtën e grevës Në mbështetje të nenit 67 të Kushtetutës së Republikës Popullore Socialiste të Shqipërisë, Presidiumi i Kuvendit Popullor dekreton: Neni 1 Lejohet organizimi i grevës me qëllim mbrojtjen e interesave ekonomike e sociale të punonjësve. Neni 2 Gjatë zhvillimit të grevës ndalohen veprimet që cenojnë rendin publik, jetën dhe pasurinë. Neni 3 Përjashtohen nga e drejta e grevës repartet e Forcave të Armatosura, organet e rendit, shërbimet jetike dhe veprimtaritë që kanë të bëjnë me sigurinë kombëtare. Neni 4 Mënyra e ushtrimit të kësaj të drejte përcaktohet me ligj. PRESIDIUMI I KUVENDIT POPULLOR Tiranë, më 22.1.1991

SEKRETAR I PARË I KOMITETIT QENDROR TË PPSH TIRANË Në emër të minatorëve të kombinatit tonë deklarojmë se jemi të vendosur të mbrojmë socializmin dhe pushtetin popullor, të ruajmë qetësinë dhe rendin, të punojmë më mirë e me disiplinë. Për ne partia dhe shoku Ramiz Alia janë garancia e vetme për kapërcimin e vështirësive dhe për mbrojtjen e pavarësisë së vendit. Dënojmë me forcë aktet vandaliste dhe thirrjet antikombëtare. U bëjmë thirrje të gjithë punonjësve që të jenë vigjilentë dhe të mos bien pre e provokimeve. ORGANIZATA PROFESIONALE E SHFRYTËZIMIT TË STACIONEVE TË PUNËS NË MINIERAT E QYMYRGURIT TIRANË, më 22.1.1991

MINISTRI I JASHTËM MERRITI NE AP TE KINES Me ftesë të ministrit të Jashtëm të Republikës Popullore të Kinës, Qian Qichen, ministri i Punëve të Jashtme i Republikës Popullore Socialiste të Shqipërisë, Reis Malile, arriti për një vizitë zyrtare në Pekin. Delegacioni i RPSSH kryesohet nga ministri Reis Malile. Në përbërje të tij bëjnë pjesë edhe shokët[?] ... Duke folur për qëllimin e vizitës, ministri tha se kjo vizitë do të shërbejë për forcimin e mëtejshëm të marrëdhënieve të miqësisë dhe bashkëpunimit midis dy vendeve tona. (ATSH)

Organet për të zgjidhur hallet e popullit dhe për të mënjanuar vështirësitë që hasen në jetën e përditshme duhet të jenë më pranë njerëzve dhe më të gatshme për dialog. Në rrethanat e sotme, nxitja e konfliktit dhe e konfrontimit sjell vetëm dëme. Kërkohet qetësi, maturi dhe përgjegjësi qytetare. Çdo veprim i nxituar cenon interesat e përgjithshme të vendit dhe krijon terren për elementë armiqësorë. Puna e përbashkët, mirëkuptimi dhe dialogu janë rruga e duhur për të zgjidhur problemet. (ATSH)

Mbresa të ditës Die e nëntë. Në rrugët e Tiranës lëvizje e pazakonshme. Flitet për mungesa, për protesta, për ankth e paqartësi. Ka njerëz që pyesin me zë të ulët se ç’do të bëhet nesër. Të tjerë shohin me mosbesim. E megjithatë, mbi të gjitha, ndihet një dëshirë e fortë që Shqipëria të mos bjerë në humnerë. Kjo është ora kur secili duhet të pyesë veten se ç’bën për vendin e tij. Nuk ka nënë e baba më të madh se atdheu. Vetëm ai të mban në këmbë dhe të jep dinjitet. Njeriu mund të ketë pakënaqësi, mund të ketë halle, por kur rrezikohet shtëpia e përbashkët, atëherë duhet menduar me gjakftohtësi e përgjegjësi. Disa duan ta përçajnë popullin, disa kërkojnë ta çojnë vendin në një udhë pa kthim. Populli ynë e ka provuar sa e shtrenjtë është liria dhe pavarësia. Die e nëntë. Qyteti duket i lodhur, por jo i mposhtur. Në fytyrat e njerëzve lexohet pritja. Shqipëria ka nevojë për paqe, për punë, për mirëkuptim. Vetëm atdheu të bëhet nënë e baba.

Agjencia Telegrafike Shqiptare (ATSH) Meqenëse janë ndërprerë dërgesat e disa linjave, njoftojmë lexuesit se një pjesë e lajmeve të jashtme jepen të përmbledhura. Shqipëria