Alternativa që mbrojmë interesat e shtresave më të gjera — U mblodh Këshilli Drejtues i Partisë Socialiste — Alternativa që mbrojmë interesat e shtresave më të gjera — U mblodh Këshilli Drejtues i Partisë Socialiste — Sekretari i parë i Komitetit të partisë së Tiranës, Ylli Bufi, i cili paraqiti një material të gjerë e të dokumentuar, tha se në përfundim të mbledhjes, ku pati diskutime të shumta e me vlerë, si dhe mendime të ndryshme, Këshilli i Drejtues i PS-së, duke vlerësuar me objektivitet situatën aktuale e perspek- tivën e zhvillimit të saj, arriti në për- fundimin e rëndësishëm se shpjegimi i alternativës së PS-së, i programeve e i premtimeve të saj, puna me masat dhe me njerëzit, që po bëhet në të gjithë vendin me rezultate të mira, po ndikon në ndryshimin e raportit të forcave dhe në rritjen e mbështetjes për Partinë So- cialiste. Theksimi se populli e ka fituar përvojën e nevojshme dhe po e kupton se çfarë po ndodh në të vërtetë me jetën e përditshme e me perspektivën e vendit, është shoqëruar me bindjen se PS po shkon e sigurt drejt fitores. Sipas raportit të paraqitur në Këshillin drejtues, në qoftë se PD-ja e nis fushatën me 50 për qind të elektoratit të vet të deklaruar, gjatë periudhës së njëzet e dy ditëve raporti i forcave mund të përmbyset vetëm në saje të punës së socialistëve. Jo më naivitet. Ka kundërshtarë të fortë që do të bëjnë lojën e tyre. Kundër- shtarë seriozë janë partitë e djathta dhe ato të qendrës, por forca kryesore kundër socialistëve mbetet PD-ja, me gjithë evolucionet e veta. Sipas një vlerësimi, ka rreth 20 për qind të elektoratit po- tencial të PS-së që nuk e ka deklaruar ende mbështetjen për të. Me këtë ele- ktorat duhet punuar me këmbëngulje e me qartësi, duke bërë argumente bindëse për secilin. Nuk është e vërtetë se shumica e po- pullsisë e mbështet privatizimin me çdo kusht. Kjo është një tezë e forcave të djathta që po përdoret për të mashtruar shtresat e varfra të fshatit dhe të qytetit. Njerëzit janë për ndryshime, por jo për rrënim. Ata kërkojnë punë, bukë, sigu- ri dhe drejtësi shoqërore. Ka qenë i gabuar mendimi se me pro- grame të tilla të mëdha e të përgjithshme, siç janë privatizimi, tregu i lirë, lufta kundër inflacionit, etj., mund të ngrihet një platformë e aftë për të fituar besimin e shtresave të gjera. Përvoja e muajve të fundit po tregon se pyetja e parë e qytetarit është: çfarë do të bëhet me mua, me familjen time, me punën time, me tokën apo me dyqanin tim? Ekonomia private duhet të zhvillohet, sidomos në sektorin e shërbimeve, por nuk duhet harruar se shumica dërrmuese e popullsisë jeton ende nga sektori shte- tëror ose kooperativist. Populli nuk mund të jetojë me slogane. Ai ka nevojë për një program konkret shpëtimi. NE JO TRIUMF Sapo doli vendimi politik për pjesë- marrjen në zgjedhje të lira e pluraliste, shokët e SHBA kërkuan tri gjëra: legalizimin e pronës private, njohjen e pluralizmit dhe heqjen e rolit udhëheqës të partisë. Ne i bëmë këto ndryshime. Sot kërkohen përsëri gjëra të tjera. Kjo tregon se kundërshtari ynë nuk kënaqet me reforma, por synon përmbysjen e socializmit dhe të çdo vlere progresive që ka sjellë vendi ynë gjatë dekadave. Për momentin, shumëkush mund të mashtrohet nga parullat dhe premtimet e bujshme. Por realiteti i përditshëm do të bëjë që njerëzit të gjykojnë më ftohtë dhe më drejt. Ne nuk duhet të biem as në vetëkënaqësi dhe as në pesimizëm. Ne jemi për pluralizmin politik, por jo për rikthimin e padrejtësive sociale. Ne jemi për ekonominë e tregut, por jo për rrënimin e shtetit dhe të prodhimit ven- das. Ne jemi për lirinë, por jo për anarki. Këto janë dallimet tona me të djathtën. Sot, më shumë se kurrë, socialistët duhet të jenë pranë njerëzve, t'i dëgjojnë hallet e tyre, t'u përgjigjen pyetjeve të tyre dhe t'u shpjegojnë me durim se pse alternativa jonë është më e drejta dhe më realistja. Në qoftë se kjo punë bëhet si duhet, Partia Socialiste do të fitojë.