6 Nentori: ngjarje me vlerën e një fitoreje historike
-Shqiptarët me voten e tyre i thane JO shkeljeve ligjore, i thane JO kanunit te prapambetjes e hakmarrjes mesjetare, i thane JO pushtetit personal te Berishes
Nesër mbushet një vit nga 6 Nëntori i 1994, kur populli ynë u thirr në një referendum të paligjshëm për të votuar për një projektkushtetutë, për t'i thënë po ose jo asaj, si rruga e vetme e zgjedhur nga lidershipi në pushtet për ta bërë gjoja Shqipërinë demokratike me ligjin e saj themelor.
Një vit që nga ajo ditë e shënuar, kur masivisht populli i tha jo projektit të kushtetutës, projekt që në rrugë e sipër mori emrin e presidentit Berisha, ka shërbyer për një sërë analizash, me qëllimin e zbulimit të shkaqeve që çuan në këtë dështim të madh të këtij projekti të reklamuar si të barabartë në vlerë me demokracinë, me lirinë, me pavarësinë, me gjithçka që kërkon dhe ka të shenjtë shqiptari. Në këtë kuptim ky dështim i madh i pushtetit të Berishës në 6 nëntorin e vitit të kaluar ka vlerën e një fitoreje të madhe për demokracinë e vërtetë që duam të ndërtojmë në Shqipëri, për shtetin ligjor që duam të instalojmë, për nivelin bashkëkohor të lirive dhe të drejtave të njeriut që duhet të gëzojmë.
Berisha, autori i Projekt kushtetutes se rrezuar duke shpërndarë projektin e tij
Faqe 2-3