Editorial Të ashtuquajturat zgjedhje elektorale të 26 majit i hoqën edhe cipën e fundit këtij të Berishës dhe regjimit të tij. Shkurt, zgjedhjet u quajtën farsë, Berisha u cilësua diktator në faqet e shtypit të gjithë botës, ndërsa Shqipëria u pa se nuk kishte demokraci, por rrezikohet seriozisht nga një neodiktaturë. Të gjitha këto kuptohen e nënkuptohen nga qëndrimi i vëzhguesve dhe gazetarëve të huaj, nga deklaratat e Departamentit të Shtetit dhe të OSBE-së, nga heshtja e qeverive perëndimore etj. “Fatkeqësisht, këto zgjedhje u shënuan nga parregullsi, gjë që përbën një hap të dukshëm prapa nga zgjedhjet parlamentare të vitit 1992”, nënvizohen në deklaratën e Departamentit të Shtetit të SHBA më 1 Qershor. Pra, as më shumë e as më pak, për më shumë se katër vjet duket se pas kemi shkuar në boshllëk. Demokracia e proklamuar bujshëm më 1996 çenka thjesht një iluzion. Shpallja e një diktatori duhet të na bëjë të trishtohemi të gjithë. Kjo duhet përjetuar si një fatkeqësi e rëndë kombëtare, si një katastrofë. Fatkeqësia është e të gjithëve. Edhe demokracisë të Tiranës Shehut që duket se e ruajnë aparencën e optimizmit me Berishën në krye. Më shumë se optimizëm, ai ngjan me ankthin, pasigurinë dhe panikun. Sepse kaq na e ka mësuar historia: për hir të frontit të tyre, diktatorët nuk kursejnë asnjë, edhe shokët e miqtë më të ngushtë. Nuk është as koha për të bërë profeci për gjëra që dihen botërisht, si për shembull për fundin e diktaturave e të diktatorëve. Punë është se si ta përballojmë me sa më pak humbje fundin e tyre në pashmangshmëri. Opozita në këtë rast ka një përgjegjësi historike jo vetëm përpara anëtarëve dhe simpatizantëve të vet, por përpara gjithë popullit. Me këtë duhet të shpjegohen veprimet e saj të maturuara dhe tepër të kujdesshme pas 26 majit, që gjithçka të zgjidhet në rrugë demokratike dhe legale. Opozita që tashmë pa asnjë dyshim ka me vete shumicën e popullit, ka përgjegjësinë e shmangjes nga kurthet e pushtetit dhe të diktatorit për konfrontime dhe gjakderdhje. Kjo nuk është frikë, por tolerancë, kulturë demokratike që e fituam me durim vite e vite. Është siguri në fitore. Fitimtarët nuk ngutën. Aq më tepër kur e dinë se koha punon për ta.

Shqipëria është në mes të një krize politike Lexoni në faqet 2 - 3

Presidenti i Komisionit të BE Zhak Santer dhe Ministri i Jashtëm i Italisë Lamberto Dini, vendi i të cilit është kryesuesi i radhës i BE-së përjashtojnë Shqipërinë nga turneu i tyre ballkanik gjatë të cilit ata do të vizitojnë Bosnje - Hercegovinën, Kroacinë, Serbinë dhe ish republikën jugosllave të Maqedonisë Zhak Santer Lamberto Dini

Kryetarja e grupit Parlamentar Socialist në Parlamentin Evropian Polin Grin:

- Të organizohen sa më shpejt të jetë e mundur zgjedhje të reja e të ligjshme, transparente, të lira dhe të ndershme në bashkëpunim të hapur e të plotë me të gjitha partitë politike si dhe në bashkëpunim me OSBE dhe organizatat e pavarura, vëzhguese të të drejtave të njeriut. - Të zhvillohen hetime të pavarura e të paanshme ndaj dhunës policore dhe masht­rimit elektoral duke vënë para përgjegjësisë ligjore shkelësit e ligjit. - Qeveria Shqiptare duhet të garantojë ndarjen institucionale të pushteteve, e domosdoshme kjo për një qeverisje demokratike dhe në mënyrë të veçantë pavarësinë e sistemit gjyqësor. Këshilli i Evropës do të tregojë kujdes dhe do të ndihmojë në mbarëvajtjen e këtij procesi.

- Të shtunën, më 8 qershor, ora 19.00 Ne përfaqësuesit e opozitës ju drejtohemi ju me thirrjen: Bashkohuni me ne në mitingun e ditës së shtunë, më datë 8 qershor, në orën 19.00 në sheshin "Skënderbej"; - Për të protestuar ndaj manipulimit e dhunshëm të zgjedhjeve të 26 majit, - Për të kërkuar anulimin e zgjedhjeve dhe përsëritjen e tyre, - Për të përshëndetur qëndrimin e bashkimit evropian dhe Shteteve të Bashkuara të Amerikës për zgjedhjet në Shqipëri, Qytetarë të Tiranës! Manifestimi ynë është paqësor dhe i ligjshëm. Demokracia që ne të gjithë e dëshirojmë ka sot nevojë më shumë se kurrë për kurajon dhe guximin tuaj. Të gjithë në sheshin "Skënderbej" DITËN E SHTUNË MË 8 QERSHOR 1996 ORA 19.00 PAD, PSD, PA, PUK, PS